كۇز سوڭىنا دەيىن استانالىق 4كوپقاباتتى ۇيدە 23 ءليفتى اۋىستىرىلادى, دەپ مالىمدەدى «وركەن قالا» جشس ءبولىم باسشىسى بولات تۇگەلباەۆ.
جاڭا ليفتىلەر كەلەسى مەكەن جايلار بويىنشا ورناتىلادى:
دۇكەن ۇلى, 3 8 كوشەسى, («شاڭىراق» تك, 8 ليفت), سارىارقا,41 كوشەسى, («ماحاببات 1» تك, «ماحاببات 2» تك, 10 ليفت), ب.مومىش ۇلى,16 كوشەسى (4 ليفت), كەنەسارى, 65 كوشەسى, («ەدەم پالاس» تك,1 ليفت). نەگىزىنەن بۇل ۇيلەر جاڭادان سالىنعان, 10-15 جىل بۇرىن بوي كوتەرگەن. مەردىگەرلەرمەن ارادا تۋىنداعان پروبلەمالاردان كەيىن, سونداي-اق كوپتەگەن شاعىمداردىڭ تۇسۋىنە بايلانىستى, تۇرعىندار ءۇشىن قاۋىپتى, اپاتتى, كوتەرمەلەردىڭ جاعدايى ءماز بولماعاندىقتان استانا اكىمدىگى ليفتىلەردى الماستىرۋعا كومەكتەستى.
-قازىر قۇجاتتاردى راسىمدەۋ جۇمىستارى جۇرگىزىلۋدە, كەلىسىمشارتتار جاسالۋدا. بۇل ۇيلەرگە سۋ جاڭا جەدەلساتىلار قويىلادى. جوسپار بويىنشا قازان ايىنا دەيىن جۇمىستار اياقتالادى. تۇرعىندار الداعى ۋاقىتتا بۇرىنعىداي قىزمەت ءۇشىن عانا اقشا تولەيدى, - دەدى ب.تۇگەلباەۆ.
بۇدان بولەك استانادا ايماقتاردى 2020 جىلعا دەيىن دامىتۋ باعدارلاماسى اياسىندا جولاۋشىلار ءليفتىسىن اۋىستىرۋ بويىنشا جۇمىستار جۇرگىزىلۋدە. 2011 جىلدان بەرى باعدارلاما جۇزەگە اسقاننان باستاپ 56 ليفت پايدالانۋعا بەرىلگەن. بۇگىنگى تاڭدا ەلوردادا كوپقاباتتى ۇيلەردە 4324 ليفت جۇمىس ىستەيدى. ولاردىڭ كەيبىرىنە ورناتىلعانىنا 25 جىل ياعني پايدالانۋ مەرزىمىنەن اسقان.
-2011 جىلدان بەرى ءبىز 56 ليفت اۋىستىردىق. قازىر 63 جەدەلساتى بويىنشا جوبالىق-سمەتالىق قۇجاتتار ازىرلەۋ جانە ۇيىمداستىرۋ جۇمىستارى جۇرگىزىلۋدە, - دەدى «وركەن قالا» جشس مامانى سەرىك تۇياماشەۆ.
ليفتىلەردى جاڭعىرتۋ تۇرعىنداردىڭ جالپى جيىنىنىڭ شەشىمى نەگىزىندە جۇزەگە اسىرىلادى. سودان كەيىن بارىپ قۇجاتتار استانا قالاسىنىڭ تۇرعىن ءۇي ينسپەكتسيانى تاپسىرىلادى. پاتەر يەلەرى وزدەرى سمەتالىق قۇجاتتى بەكىتەدى, مەردىگەر كومپانيانى تاڭدايدى, سونىمەن قاتار جۇمىستاردى قابىلداۋعا قاتىسادى. ەگەر مەملەكەتتەن 15 جىلعا قارىز السا, ورتاشا ەسەپپەن ءبىر پاتەر 2 مىڭ تەڭگەگە جۋىق اقشا تولەيدى. ماماندار بۇل سوما وسپەيتىنىنە نازار اۋدارتادى.
ەستەرىڭىزگە سالامىز, استانادا ليفتىلەردىڭ ءۇزىلىپ كەتۋ جاعدايلارى وسى جىلدىڭ كوكتەمىندە بولعان-دى. مىسالى, ءبىر اپات «ەدەم پالاس» تك-دە ورىن الدى. ول كەزدە كوتەرۋ ساتىسى بىرنەشە قاباتقا تومەن قۇلديلاعان ەدى, ادامداردى قۇتقارۋشىلار الىپ شىقتى. سودان كەيىن استانا اكىمى اسەت يسەكەشەۆ قالانىڭ بارلىق ليفت شارۋاشىلىعىن تەكسەرۋدى مىندەتتەدى, سونىمەن قاتار تارتىپكە كەلتىرۋ بويىنشا كەشەندى شارالار جۇرگىزۋدى جۇكتەدى.
- ليفتىلەردى اۋىستىرۋ جانە جوندەۋ جۇمىستارى بويىنشا كەستەمەن ليفت رەەستىرىن جانداندىرۋ قاجەت. ىستەن شىققان 63 ءليفتى بويىنشا «ايماقتاردى دامىتۋ» باعدارلاماسى اياسىندا كەلەسى مەحانيزمدەر بويىنشا: 70 پايىز نەسيە, 30 پايىز – ليفت كومپانيالارى مەملەكەتتىك-جەكە سەرىكتەستىك بويىنشا قاراجات ءبولۋدى قاراستىرۋ. پايدالانۋعا بەرىلمەي قالعان 23 ليفت بويىنشا ساراپتاما جۇرگىزىپ, ولاردى ورناتۋعا قاراجات ءبولىۋ مۇمكىندىگىن قاراستىرۋ قاجەت, - دەدى استانا اكىمى جينالىستا.
