اتالعان ءىس-شارانى ۇيىمداستىرۋشى استانا قالاسى قازاقستان حالىق اسسامبلەياسى بولىپ تابىلادى. ءسان مارافونىن وتكىزۋ يدەياسى استانا قالاسىنداعى «وبەرەگ» ۋكراين قوعامى» قوعامدىق بىرلەستىگىنە تيەسىلى.
ءىس-شارا بارىسىندا قاتىسۋشىلارعا تانىمال ديزاينەرلەردىڭ قايتالانباس توپتامالارىن, قازىرگى زامان كيىمدەرىندە ۇلتتىق ۇلگىلەردىڭ كورىنىسىن, ەتنومادەني ورتالىقتارىنىڭ استانالىق شىعارماشىلىق ۇجىمدارىنىڭ شىعارماشىلىق ونەرلەرىن تاماشالاۋ مۇمكىندىگى پايدا بولادى.
حالىقارالىق ەتنيكالىق ءسان مارافونى اياسىندا اۆتورلىق سۋرەتتەردىڭ, ۇسىنىلعان توپتامالاردىڭ كيىمدەرىنىڭ, كادەسىي ونىمدەرىنىڭ جانە ت.ب. كورمە-ساتىلىمى وتەدى. ءىس-شارا اياسىندا ديزاينەرلەر-مارافون قاتىسۋشىلارى ۇسىنعان بۇيىمداردىڭ ۇتىسى وتكىزىلەدى.
ءىس-شارا رەسپۋبليكا داڭعىلى, 34 ءۇي, «جاستار» سارايىندا وتەدى. كىرۋ تەگىن.
