اپپارات ماجىلىسىندە كۇنتارتىبىنە ساي وتكەن اپتانىڭ سوڭىندا وڭىرگە جۇمىس بابىمەن كەلگەن ۇكىمەت باسشىسى ساپارىنىڭ قورىتىندىسى شىعارىلدى. سونداي-اق, وبلىستا مىندەتتى الەۋمەتتىك مەديتسينالىق ساقتاندىرۋدى ەنگىزۋ بويىنشا اتقارىلىپ جاتقان جۇمىستاردىڭ بارىسى ءسوز بولدى. بۇل تۋرالى وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ساۋلە قيسىقوۆا مەن وبلىستىق جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى دينا احمەتجانوۆا ايتىپ بەردى.
وعان قوسا اۋداندىق ماڭىزداعى قالا, سەلولىق وكرۋگ, كەنت اكىمدەرىنىڭ سايلاۋىنا دايىندىق شارالارىنا دا نازار اۋدارىلدى.
ماجىلىستە جينالعاندارعا جاڭادان قۇرىلعان اقمولا وبلىسى بويىنشا مەملەكەتتىك ساتىپ الۋلار جانە كوممۋنالدىق مەنشىك باسقارماسىنا وبلىس اكىمى مالىك ءمىرزاليننىڭ 2017 جىلعى 31 شىلدەدەگى وكىمىمەن جاڭادان تاعايىندالعان باسشى نۇرلان جەكسەمباي ۇلى بەكەنوۆ تانىستىرىلدى.
نۇرلان جەكسەمباي ۇلى 1961 جىلى سولۇستىك قازاقستان وبلىسى تايىنشا اۋدانى كەڭەس اۋىلىندا تۋعان. زووينجەنەر, بۋحگالتەر-ەكونوميست, ەكونوميكا ماگيسترى ءتارىزدى ءۇش جوعارى ءبىلىمى بار.
ەڭبەك جولىن 1982 جىلى بۇرىنعى كوكشەتاۋ وبلىسىنىڭ تەرنوۆ سوۆحوزىندا باستاعان.
قارجى سالاسىندا مول تاجىريبەسى بار. ۇزاق جىلدار بويى اقمولا وبلىسىنىڭ قارجىلىق باقىلاۋ باسقارماسى باسشىسىنىڭ ورىنباسارى, «قازاقستان حالىق بانكى جيناقتاۋشى زەينەتاقى قورى» اق-نىڭ اقمولا فيليالىنىڭ ديرەكتورى, قر قارجى مينيسترلىگىنىڭ قارجىلىق باقىلاۋ كوميتەتى ساپانى باقىلاۋ باسقارماسىنىڭ باسشىسى قىزمەتىن اتقاردى.
2011 جىلدىڭ تامىز ايىنان باستاپ, جاڭا قىزمەتكە تاعايىندالعانعا دەيىن اقمولا وبلىسى ىشكى مەملەكەتتىك اۋديت دەپارتامەنتىنىڭ باسشىسى لاۋازىمىندا بولدى.
