پوليتسەيلەرگە كومەك كورسەتۋگە كەلگەندەر ارنايى لوگوتيپى بار كيىمدەرمەن قامتاماسىز ەتىلەدى. وبلىستىق جاستار ساياساتى ماسەلەلەرى جونىندەگى باسقارما باسشىسى بالمارجان ناربەكوۆانىڭ سوزىنشە, يگى جوبا مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا قولعا الىنىپ وتىر.
قازىر بارلىق اۋدان, قالالاردان كەلگەن 18-29 جاس ارالىعىنداعى 500 جاستىڭ بىلىكتىلىگىن ارتتىرۋ ماقساتىندا 5 كۇندىك قۇقىقتىق وقىتۋ-جاتتىعۋ سەمينارى وتۋدە. ياعني, پوليتسياعا كومەكشىلەر ءۇشىن ساباق قر ءىىم باۋىرجان مومىش ۇلى اتىنداعى وقۋ ورتالىعىنىڭ عيماراتىندا تامىزدىڭ 9-نا دەيىن وتەدى. سەمينار ساباقتار اياقتالعان سوڭ, جاس كومەكشىلەر وبلىس اكىمى جانسەيىت تۇيمەباەۆتىڭ ديپلومىمەن ماراپاتتالادى. جاستاردى ىنتالاندىرۋ ماقساتىندا قارجىلاي سىياقى تاپسىرىلادى. سودان كەيىن ولار ءتارتىپ ساقشىلارىنىڭ جانىندا ءجۇرىپ, قوعامنىڭ تىنىشتىعىن باقىلايدى دەپ جوسپارلانىپ وتىر.
