استانادا قوستاناي وبلىسىنىڭ اۋىل شارۋاشىلىق جəرمەڭكەسى ءوتتى

قالا تۇرعىندارى مەن قوناقتارىنا بۇل جولى قوستاناي وبلىسىنىڭ تاۋاروندىرۋشىلەرى ءوز ونىمدەرىن ۇسىندى. 

وسىلايشا ازىق-ت ۇلىك ونىمدەرىنىڭ تۇرىمەن جانە باعا ساياساتىن ءبىلۋ ماقساتىندا قالا اكىمى اسەت يسەكەشەۆ جارمەڭكەگە باردى. قوستاناي وبلىسىنىڭ باسشىسى ارحيمەد مۇحامبەتوۆ استانا قالاسىنىڭ اكىمىن ءوڭىردىڭ اۋىلشارۋاشىلىق سەكتورىمەن تانىستىردى.

شارا باعدارلاماسىندا وتاندىق اۋىلشارۋاشىلىق ءونىمىنىڭ باسەكەگە قابىلەتتىلىگىن ارتتىرۋعا باعىتتالعان اۋىلشارۋاشىلىق كەشەننىڭ جەتىستىكتەرى كورسەتىلدى. 

قوستاناي وبلىسى اكىمدىگىنىڭ مالىمەتتەرى بويىنشا, ەكى كۇن بويى وبلىستىڭ 3 قالاسىنان, 11 اۋداننان 50-دەن استام كاسىپورىن اۋىلشارۋاشىلىق ءونىمىن ساتۋدا. اتاپ ايتقاندا: التىنسارين, اۋليەكول, جىتىقارا, قوستاناي, قامىستى, قارابالىق, مەندىقارا, ناۋرىزىم, تارانوۆ, فەدوروۆ, ۇزىنكول اۋداندارى, اركالىق, رۋدنىي, قوستاناي قالالارى. 

جالپى 650 توننا اۋىلشارۋاشىلىق ونىمدەرى جەتكىزىلمەك, ونىڭ ىشىندە: ەت جانە ەت ونىمدەرى – 33 ت, ءسۇت ونىمدەرى – 90 ت, شۇجىق جانە ەتتىڭ جارتىلاي دايىن ونىمدەرى – 59 ت, جارما جانە ماكارون ونىمدەرى – 72 ت, نان جانە توقاش ونىمدەرى – 70 ت, ۇن – 93 ت, 72 مىڭنان استام دانا جۇمىرتقا. 

ازىق-ت ۇلىك ءونىمىنىڭ 100-دەن استام ءتۇرى ۇسىنىلادى.  

ايتا كەتەيىك, قالا تۇرعىندارى مەن قوناقتارى ازىق-ت ۇلىك ونىمدەرىن جارمەڭكەدە بازاردىڭ باعاسىنان تومەن سوماعا ساتىپ الا الادى.