«قارتتار ءۇيىنىڭ 60 تۇرعىنى مەن ەرەكشە كۇتىمدى قاجەت ەتەتىن 15 بالانى ەكسپو كورمەسىنە اكەلىپ, ەكسكۋرسيا وتكىزدىك. اتا-اجەلەرىمىز بەن بالالاردىڭ قۋانىشىن ايتىپ جەتكىزۋ مۇمكىن ەمەس», - دەيدى «استانانىڭ اقكوڭىلدەر كلۋبىنىڭ» نەگىزىن قالاۋشى گۇلميرا ابدراشەۆا.
ونىڭ ايتۋىنشا, بۇگىندە ەلىمىزدەگى ءىرى قوزعالىسقا اينالعان اتالمىش كلۋب التى قالادا جۇمىس ىستەيدى. قوزعالىس مۇشەلەرى-ەرىكتىلەرىنە قويىلاتىن باستى شارت جاقىن كەنتتەردى قامقورلىققا الىپ, سول جەردىڭ تۇرعىندارىمەن جۇمىس ىستەۋ.
«استانانىڭ اقكوڭىلدەر كلۋبى» ەلوردا ماڭىنداعى بىرقاتار اۋىلداردى قامقورلىققا الدى. اتاپ ايتقاندا, اتباسار قالاسى, كولوتۋن, سەمەنوۆكا اۋىلدارى بار. جاقىندا ولاردىڭ قاتارىنا نوۆويشيموۆكا اۋىلى قوسىلدى», - دەدى گ.ابدراشەۆا.
ايتا كەتەتىنى,«استانانىڭ اقكوڭىلدەر كلۋبى» الەۋەمتتىك از قامتىلعان وتباسىلاردان بولەك, بۇگىندە قاراۋسىز قالاعان جانۋارلار ماسەلەسى, قالانىڭ سانيتارلىق تازالىعىنا قاتىستى باستاما كوتەرىپ, ناقتى جۇمىستار ىستەپ كەلەدى.
