«ەكسپو بىزگە قاتتى ۇنادى, جاقسى اسەر الدىق. كورمەنىڭ مازمۇنى وتە اۋقىمدى جانە ونداعى تانىستىرىلىمدار تاماشا. بۇل قازاقستاندىقتارعا جانە الەمنىڭ تۇكپىر-تۇكپىرىنەن كەلگەندەرگە, ونىڭ ىشىندە ورتالىق ازيا ەلىنىڭ ازاماتتارىنا حالىقارالىق دەڭگەيدەگى ءىس-شارانى ءوز كوزىمەن كورۋگە مۇمكىندىك بەرەتىن ايىرىقشا شارا. بىزدىڭشە, قازاقستان پاۆيلونى ەڭ ادەمىسى. حالىقارالىق كورمە قازاقستاننىڭ جەتىستىكتەرى مەن تابىستارىن كورسەتەدى», - دەيدى دجۋليا.
قاۋلان قىتايدان كەلگەن قازاق بولسا, زايىبى دجۋليا ماكلەين امەريكالىق ستۋدەنت. بۇل تۋرالى حالىقارالىق كورمەنىڭ سايتى ارنايى ۆيدەو جاريالادى.
«مەن قازاق ءتىلىن امەريكادا ءبىر جىل وقىدىم. ەكى مۇعالىمىم بار, ءبىرى - شۋچينسكىدەن, ەكىنشىسى - شىمكەنتتەن», دەگەن دجۋليا قازاق ءتىلىن ەركىن مەڭگەرگەنىن بايقاتتى. ال قاۋلان قىتاي پاۆيلونىندا وتەتىن ءىس-شارالارعا بەلسەنە ات سالىسىپ ءجۇر. ەكەۋىنىڭ كاليفورنيادان استاناعا كەلگەنىنە تۇپ-تۇرا ءبىر ايدان اسقان.
