جيىنعا قاتىسۋشىلار «بولاشاقتىڭ ەنەرگياسى: ايەلدەر, بيزنەس جانە جاھاندىق ەكونوميكا» تاقىرىبىن تالقىلاۋدا. شارا بارىسىندا كوپشىلىك ەكسپو كورمەلەرىندە «EXPO Women» فورۋمىن قۇرۋدى ۇسىندى.
«EXPO Women» تورالقاسىنىڭ ءتورايىمى, پرەزيدەنت جانىنداعى «جاسىل ەكونوميكاعا» كوشۋ كەڭەسىنىڭ مۇشەسى سالتانات راقىمبەكوۆانىڭ ايتۋىنشا, ايەلدەرگە جاسىل تەحنولوگيا سالاسىنداعى شارالاردى ۇيىمداستىرۋ قاجەت. ء«بىز قورشاعان ورتانى قورعاۋ ماسەلەسىندە ايەلدەر الەۋەتىنىڭ جەتىستىگىن كورسەتىپ وتىرمىز. ول دەگەنىمىز – كليماتتىڭ وزگەرۋىمەن كۇرەس, جاسىل ەكونوميكاعا كوشۋ, سونداي-اق, 2015 جىلى قابىلدانعان تۇراقتى دامۋدىڭ 17 ماقساتى. 2000 جىلى وتكەن ماقساتتاردىڭ قورىتىندىسى كەزىندە ءبىزدىڭ ەل ۇزدىك كورسەتكىشكە يە بولدى. ەندى ەكسپو-2017 كورمەسىن وتكىزگەن سوڭ, 17 ماقساتقا قول جەتكىزۋ بويىنشا بارلىعىمىز بىرىگىپ ەلىمىزگە رەيتينگتىڭ جوعارى ساتىسىنان ورىن الۋعا كومەكتەسەمىز», دەيدى ول.
«EXPO Women» ۇيىمىنىڭ وكىلدەرى ايتىپ وتكەندەي, ءۇشىنشى حالىقارالىق ايەلدەر فورۋمى دۋبايدا ۇيىمداستىرىلماق.
شارا شەڭبەرىندە نازارباەۆ ورتالىعىندا «الەمدى وزگەرتكەن ايەلدەر» فوتوكورمەسى ءوتتى. سونىمەن قاتار «Coca Cola» بەلەستەرى» رەسپۋبليكالىق بايقاۋىنىڭ جەڭىمپازدارى ماراپاتتالدى.
اسحات رايقۇل
"ەگەمەن قازاقستان",
سۋرەتتى تۇسىرگەن
ورىنباي بالمۇرات,
«ەگەمەن قازاقستان»
