ونىڭ ايتۋىنشا, ءبىلىم بەرۋ سالاسىندا 97,9 ملرد تەڭگە قاراستىرىلعان. ايماقتا 300 بالاباقشا مەن 151 شاعىن ورتالىق جۇمىس ىستەيدى, ولار 48 مىڭ بالانى مەكتەپكە دەيىنگى بىلىممەن قامتىپ وتىر. ال, 72 بالاباقشادا ءمجا اياسىندا 6445 بالا تاربيەلەنۋدە. سونىمەن قاتار, وبلىستا ءۇش ءتىلدى ءبىلىم بەرۋ كەشەندى جوسپار بويىنشا جۇمىستار جۇرگىزىلۋدە.
بۇدان باسقا, سپورتتى دامىتۋ ءۇشىن 6,5 ملرد تەڭگە ءبولىندى. وڭىردەگى سپورتتىق نىسانداردىڭ جالپى سانى 2026 جەتتى.
وبلىس اكىمدىگىنەن حابارلاعانداي, مادەنيەت سالاسىنا 4,8 ملرد تەڭگە قاراستىرىلعان.
ايماق باسشىسى اتاپ وتكەندەي, استانادا ەكسپو-2017 كورمەسى اياسىندا جامبىل وبلىسىنىڭ ۇلتتىق كۇندەرى وتە جوعارى دەڭگەيدە ءوتتى.
سونداي-اق, جۇمىسپەن قامتۋ شارالارىمەن 16 مىڭ ادام قامتىلدى, ونىڭ ىشىندە 7762 ازامات بوس جۇمىس ورنىنا ورنالاستىرىلدى. مۇمكىندىگى شەكتەۋلى جاندارعا الەۋمەتتىك كومەك كورسەتۋ ءۇشىن 1,3 ملرد تەڭگە ءبولىندى.
دەنساۋلىق ساقتاۋ سالاسىنا 55,8 ملرد تەڭگە باعىتتالدى. ءمامس جۇيەسىن ەنگىزۋ بويىنشا ارنايى شتاب قۇرىلىپ, حالىققا ءتۇسىندىرۋ جۇمىستارى جۇرگىزىلۋدە.
