وتە اۋىر كەزدەسۋ بولدى, كەلەسى كەزەڭگە ءوتۋ ءۇشىن ۇلكەن كۇش جۇمسالدى. بىراق كوماندانىڭ مىنەزىن وسىنداي ماتچتار ارقىلى شىڭداۋعا بولادى. بۇل جولعى سىناقتان «استانا» سۇرىنبەي ءوتتى دەپ ايتۋعا تولىق نەگىز بار. كوماندا وسىمەن ءۇشىنشى رەت ەۋروكۋبوكتاردا ويناۋعا مۇمكىندىك الىپ وتىر. بۇل ويىنشىلاردىڭ, باپكەرلەر القاسىنىڭ, باسشىلىقتىڭ قاجىرلى ەڭبەگىنىڭ ارقاسى. وسى ءساتتى پايدالانا وتىرىپ بۇكىل قازاقستاندىقتاردى ەلوردالىق كوماندانىڭ پلەي-وفف كەزەڭىنە وتۋىمەن قۇتتىقتايمىن! «استانا» جىراقتا ويناسا دا, جانكۇيەرلەرىنىڭ ىستىق قولداۋىن سەزىندى.
– پلەي-وفف تۋرالى اڭگىمەمىزدى جالعاستىرساق, «استانانىڭ» قارسىلاسى رەتىندە قاي كوماندانىڭ بولعانىن قالار ەدىڭىز؟
– چەمپيوندار ليگاسىندا وڭاي قارسىلاس بولمايدى. بۇكىل كوماندالار جوعارى دەڭگەيدە, ءوز ەلدەرىنىڭ چەمپيوندارى. ونىڭ ۇستىنە ءبىز جەرەبە تارتۋ كەزىندە ۇلكەن كوماندالارعا تاپ كەلەيىن دەپ تۇرمىز. بىراق «استانا» قانداي كوماندامەن بولسىن ويناۋعا دايىن ەكەنىن دالەلدەگەن بولاتىن.
