سولتۇستىك قازاقستان وبلىستىق پروكۋراتۋراسى جارتىجىلدىق جۇمىس قورىتىندىلارىن شىعارىپ, بىرقاتار كەمشىلىكتى انىقتادى.
ماسەلەن, اۋىلشارۋاشىلىق جەرلەرىن ءتيىمدى پايدالانبايتىندار ءالى كوپ. 11 مىڭ گەكتار اۋماقتى ءارامشوپ باسىپ كەتكەن. بۇل ماقسات ءۇشىن الىنعان سۋبسيديانىڭ قايدا جۇمسالعانى بەلگىسىز.
وتكەن جىلعا قاراعاندا بيىل قىلمىستىق فاكتىلەردىڭ 29,8 پايىزعا تومەندەگەنى بايقالادى. سولتۇستىك قازاقستان وبلىستىق پروكۋراتۋراسى 1-ءشى باسقارماسىنىڭ باستىعى اسحات اۋقاتوۆتىڭ ايتۋىنشا, وبلىستا قىلمىس پەن قۇقىق بۇزۋشىلىقتاردىڭ الدىن الۋعا باعىتتالعان بىرلەسكەن جوبالار ءساتتى جۇزەگە اسىپ كەلەدى. «بارىنە جۇمىس» جوباسى بويىنشا 80 مۇگەدەك جۇمىسقا ورنالاسىپ, 20-عا جۋىعى وقۋعا جىبەرىلگەن.
ەسەپ بەرۋ بارىسىندا زەينەتاقى تولەمىندە ورىن العان سوراقى جايتتار دا ءسوز بولدى.
– وسىدان 10 جىل بۇرىن گەرمانياعا كوشىپ, سول ەلدىڭ ازاماتتىعىن العان سولتۇستىكقازاقستاندىق 2 جىل بويى قازاقستاننان دا زەينەتاقى الىپ وتىرعان. ءسويتىپ, ەل قازىناسىنا 3,5 ميلليون تەڭگە كولەمىندە شىعىن كەلتىرگەن. قازىرگى تاڭدا بۇل ىسكە بايلانىستى سوتقا دەيىنگى تەرگەۋ امالدارى جۇرگىزىلۋدە. قالاي بولعاندا دا اتالعان سوما مەملەكەت بيۋدجەتىنە قايتارىلۋى قاجەت, – دەدى القالى جيىندا 4-ءشى باسقارمانىڭ باستىعى جانكەلدى بازارباەۆ.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
