فورۋمعا وبلىستاعى قالا مەن اۋدانداردىڭ بەلسەندى جاستارى قاتىسىپ, ءتىل ساياساتى مەن «تۋعان جەر» باعدارلاماسىن جۇزەگە اسىرۋعا قاتىستى ءتۇيىندى پىكىرلەرىن ورتاعا سالدى. شارانىڭ ۇيىمداستىرۋشىلارى پاۆلودار وبلىسىنىڭ تىلدەردى دامىتۋ جونىندەگى باسقارماسى مەن «مولودەج زا زدوروۆىي وبراز جيزني» جقب.
سالتاناتتى تۇردە انۇرانمەن باستالعان پلەنارلىق ماجىلىستەن كەيىن جالعاسىن تاپقان «لاتىن گرافيكاسى جانە قازاق ءتىلى» جانە «مەملەكەتتىك ءتىل - جاستار» تاقىرىبىنداعى سەكتسيالىق بلوكتاردا قاتىسۋشىلار لاتىن الىپبيىنە كوشۋدىڭ ۇتىمدى تۇستارى مەن پايداسى تۋرالى تۇجىرىمدارىمەن ءبولىستى. «بيىل «قازاقشا سويلەسۋ وڭاي!» اتتى جوبا قولعا الىندى. جوبانىڭ ماقساتى: «سەرپىن» ستۋدەنتتەرىن تارتۋ ارقىلى پاۆلودار قالاسىندا تۇرىپ جاتقان ءتۇرلى ۇلت جاستارى اراسىنداعى ورىس ءتىلدى بولىگىنە قازاقشا سويلەۋ ورتاسىن قۇرۋ», - دەيدى قازاقستان حالقى اسسامبلەياسى جاستار قاناتى ەتنوسىنىڭ مۇشەسى اناستاسيا يلچەنكو. "30 قاتىسۋشىمىز «سەرپىن» باعدارلاماسىنىڭ ستۋدەنتتەرى مەن قازاق ءتىلىن ۇسىنىلعان جوبا بويىنشا مەڭگەرگىسى كەلەتىن پاۆلودار قالاسىنىڭ جاستارى بولدى.
ءبىر ايدىڭ ىشىندە ءبىز قازاقشا ورتانى قۇرىپ, ءبىر بىرىمىزگە قوناققا بارىپ, ۇلتتىق داستۇرلەرىمىزدى كورسەتىپ وڭتۇستىكتەن كەلگەن جاستارمەن دوس بولدىق. جوبانى ويلاپ شىعارعان ەلينا پاۋلي جانە دارىن تاجىباەۆ سىندى بەلسەندى جاستارىمىز. جانە جوعارى ءبىلىمىن كورسەتكەن جاستارعا ەلينا ەكسپو-عا بيلەت سىيلادى. ال بارلىق قاتىسۋشىلارعا تىلدەردى دامىتۋ باسقارماسى جانە سلاۆيان مادەني ورتالىعى كىتاپتاردى تابىس ەتىلدى. جوبا مىندەتتەرى: قازاق ءتىلىن ۇيرەنۋدى ناسيحاتتاۋ; قازاق ءتىلىن قىزىقتى وقىتۋ بارىسىن كورسەتۋ; «سەرپىن» باعدارلاماسى بويىنشا وقىپ جۇرگەن ستۋدەنتەردى الەۋمەتتەندىرۋ; پاۆلودار قالاسىنداعى قازاقشا سويلەي الاتىن جاستار سانىن كوبەيتۋ". فورۋم بارىسىندا مەملەكەتتىك ءتىلدىڭ دامۋىنا ۇلەس قوسقان جاستار ماراپاتتالىپ, باعالى سىيلىقتار تابىستالدى.
pavlodarnews.kz.
