ۆيتسە-مينيستر قازىر قازاقستاندا شاعىن بيزنەس سالىق تولەۋدىڭ بىرنەشە ءادىسىن تاڭداي الاتىنىن باياندادى: كومپانيالار ءتارىزدى جالپىعا بىردەي بەلگىلەنگەن, جانە پاتەنت – وندا جارتى جىلدا ءبىر رەت اينالىمنان 2 پايىز تولەنەدى. جاڭا سالىق كودەكسىنىڭ جوباسى سالىق مولشەرلەمەسىن 2018 جىلدان باستاپ 1 پايىزعا دەيىن تومەندەتۋدى ۇسىنادى.
«ەگەر اينالىم كوپ بولسا, شاعىن بيزنەس «جەڭىلدەتىلگەن دەكلاراتسيا» رەجيمىن تاڭداي الادى – وندا جارتى جىلدا ءبىر رەت اينالىمنان 3 پايىز تولەنەدى. ول 2 سالىقتىڭ ورنىن الماستىرادى (كىرىس سالىعى جانە الەۋمەتتىك سالىق). سالىق كودەكسىنىڭ جوباسىندا اينالىم جانە سانى بويىنشا شەكتەۋلەر زاڭدى تۇلعالار ءۇشىن دە, جەكە كاسىپكەرلەر ءۇشىن دە تەڭەستىرىلمەك. بۇل ءبىرىنشى كەزەكتە جك ءۇشىن جاقسى», – دەدى ر. دالەنوۆ. ول شاعىن بيزنەسكە تياناقتالعان شەگەرىستىڭ جاڭا رەجيمى ۇسىنىلاتىنىن, ول اينالىمى كوپ, بىراق پايداسى ازدار ءۇشىن ءتيىمدى ەكەنىن اتاپ ءوتتى.
«مۇنداي كاسىپكەرلەر ءۇشىن اينالىمعا سالىق سالۋ ءتيىمسىز. سوندىقتان, سالىق بازاسى كىرىستەر مەن شىعىنداردىڭ اراسىنداعى ايىرما بولماق. شارۋالار مەن فەرمەرلەر وزدەرىنىڭ جەڭىلدىكتى رەجيمدەرىن جوعالتپاي, ققس تولەۋشىلەر بولۋعا قۇقىلى بولادى. ولارعا قىزمەتتىڭ باسقا تۇرلەرىمەن اينالىسۋعا رۇقسات بەرىلەدى, جانە ولار بۇدان دا جەڭىلدىكتى رەجيمدەرىن جوعالتپايدى. كووپەراتيۆتەرگە كىرۋگە, بىرنەشە اۋىل شارۋاشىلىعى وندىرۋشىلەرىندە قۇرىلتايشى بولۋعا جانە ت. ب. شەكتەۋلەر بولمايدى», – دەپ اتاپ ءوتتى ر. دالەنوۆ.
