«وزدەرىڭىز بىلەسىزدەر ەلباسى نۇرسۇلتان ءابىش ۇلى نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا بولاشاقتا ۇلتتىق تابىستى بولۋى ونىڭ قازبا بايلىعىمەن ەمەس ادامداردىڭ باسەكەگە قابىلەتتىلىگىمەن ايقىندالادى دەپ اتاپ وتكەن بولاتىن. «بولاشاق» باعدارلاماسى وسى باسەكەگە قابىلەتتى مامانداردى دايىنداۋمەن اينالىسادى. سوندىقتان بۇل باعدارلامانى ودان ارى دامىتۋدىڭ ماڭىزى زور دەپ ويلايمىن», دەدى كوميسسيا وتىرىسىن اشقان گۇلشارا ابدىقالىقوۆا.
وتىرىس بارىسىندا قر ءبىلىم جانە عىلىم ءمينيسترى ەرلان ساعاديەۆتىڭ شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ حاتتامالىق شەشىمدەرىنىڭ ورىندالۋى بارىسى تۋرالى ەسەبى تىڭدالدى. سونىمەن قاتار «بولاشاق» باعدارلاماسىن ىسكە اسىرۋعا قاتىستى بىرقاتار ماسەلە قارالدى.
كوميسسيا شەشىمىمەن ستيپەنديا ماگيستراتۋرادا جانە دوكتورانتۋرادا وقيتىن, الەمنىڭ جەتكشى عىلىمي ورتالىقتارىندا تاعلىمدامادان وتۋگە جىبەرىلەتىن 171 ۇمىتكەرگە تاعايىندالدى.
وتىرىستى قورىتىندىلاعان مەملەكەتتىك حاتشى «بولاشاق» حالىقارالىق ستيپەندياسىن ىسكە اسىرۋ تەتىكتەرىن ودان ءارى جەتىلدىرۋ جانە تيىمدىلىگىن ارتتىرۋ بويىنشا بىرقاتار تاپسىرما بەردى.
