«1 شىلدەدەن باستاپ مىندەتتى الەۋمەتتىك مەديتسينالىق ساقتاندىرۋدى ەنگىزۋ بويىنشا دەنساۋلىق ساقتاۋ رەفورماسى باستالدى. مىندەتتى الەۋمەتتىك مەديتسيالىق ساقتاندىرۋدىڭ زاڭنامالىق بازاسىن جەتىلدىرۋ اياسىندا مىندەتتى «الەۋمەتتىك مەديتسينالىق ساقتاندىرۋ تۋرالى» زاڭناماعا بىرقاتار وزگەرىستى ەنگىزۋدى كوزدەيتىن زاڭ قابىلداندى. الەۋمەتتىك مەديتسينالىق ساقتاندىرۋ قورىنا جەكە كاسىپكەرلەردەن جارنالار مەن جۇمىس بەرۋشىلەردەن اۋدارىمدار تۇسە باستادى. قازاقستاننىڭ 16 وڭىرىندە قوردىڭ فيليالدارى قۇرىلىپ, ولاردىڭ باسشىلارى تاعايىندالدى», - دەدى ول.
ءبىرتانوۆتىڭ ايتۋىنشا, مىندەتتى الەۋمەتتىك مەديتسينالىق ساقتاندىرۋدى ەنگىزۋ جونىندەگى كوميسسيا دەنساۋلىق ساقتاۋ مينيسترلىگى دەڭگەيىندە قۇرىلعان. كوميسسيا قۇرامىنا 14 مەملەكەتتىك ورگان مەن مۇددەلى ۇيىمداردىڭ وكىلدەرى كىردى. وبلىستاردىڭ, الماتى, استانا قالالارى اكىمدىكتەرىنىڭ قاتىسۋىمەن كوميسسيانىڭ ءتورت وتىرىسى وتكىزىلدى. ءمامس اياسىندا مەملەكەتتىك ورگانداردىڭ ءوزارا ءىس-قيمىل ماسەلەلەرى اقپاراتتىق ءتۇسىندىرۋ جۇمىسىنىڭ بارىسىندا قارالدى.
ء«مامس ەنگىزۋ تاۋەكەلدەرى مەن باسقارۋ ماسەلەلەرى جونىندەگى كەشەندى ۆەدومستۆوارالىق ءىس-شارالار جوسپارى ازىرلەنىپ, بەكىتىلدى. جوسپار 14 تاۋەكەلدى قامتيدى جانە مىناداي 4 بولىمنەن تۇرادى. ءبىرىنشى - مەملەكەتتىك جانە جەرگىلىكتى اتقارۋشى ورگاندار جۇرگىزەتىن اقپاراتتىق ءتۇسىندىرۋ جۇمىسى. ەكىنشىسى - مىندەتتى الەۋمەتتىك مەديتسينالىق ساقتاندىرۋ جۇيەسىنىڭ قارجىلىق تۇراقتىلىعىن قامتامىز ەتۋ. ءۇشىنشىسى - اقپاراتتىق جۇيەلەرمەن ولاردى ينتەگراتسيالاۋ. ال ءتورتىنشىسى - نورماتيۆتىك-قۇقىقتىق اكتىلەردى دايىنداۋ. ءاربىر تاۋەكەل بويىنشا نىسانالى توپتار مەن تاۋەكەلدەردى جويۋ بويىنشا قاجەتتى ءىس-شارالار بەلگىلەندى. ورتالىق جانە جەرگىلىكتى اتقارۋشى ورگانداردىڭ ىشىنەن جاۋاپتى ورىنداۋشىلار بەكىتىلگەن», - دەدى ەلجان ءبىرتانوۆ.
