تاۋەلسىزدىك باستاۋى – جەلتوقسان

قازاقستان رەسپۋبليكاسىنىڭ 20 جىلدىعى مەن جەلتوقسان كوتەرىلىسىنىڭ 25 جىلدىعىنا وراي قازاقستاننىڭ «اق جول» دەموكراتيالىق پارتياسى 1986 جىلى الاڭعا شىعىپ, كوتەرىلىستىڭ زاردابىن تارتقان جەلتوقسان جاستارىن قولداۋ تۋرالى ۇسىنىس كوتەردى. قازاقستاننىڭ «اق جول» دەموكراتيا­لىق پارتياسى جەلتوقسان كوتەرىلىسىنىڭ 25 جىلدىعىن لايىقتى اتاپ ءوتۋ جونىندەگى قوعامدىق كوميتەت وتىرىسىندا جەلتوق­سان كوتەرىلىسىنە قاتىسقان ازاماتتارعا قوعامدىق كولىكتە تەگىن ءجۇرۋ مۇمكىندىگىن قاراستىراتىن باستاما كوتەرىپ, الماتى قالاسىندا قوعام قايراتكەرلەرى مەن مەملەكەتتىك اۆتوكولىك تاسىمالداۋ كوم­پانيا­لارىنىڭ باسشىلارىمەن دوڭگەلەك ۇستەل وتىرىسىن وتكىزدى. جازۋشى سماعۇل ەلۋباي, قازاقستان تاريحشىلار قاۋىمداستىعىنىڭ توراعاسى مامبەت قويگەلديەۆ, «ادىلەت» تاريحي اعار­تۋ ورتالىعىنىڭ جەتەكشىسى بەيبىت قوي­شىباەۆ, « ۇلى دالا» قوزعالىسىنىڭ جە­تەكشىسى, ساياساتكەر ايدوس سارىم, «ۇلت تاعدىرى» قوزعالىسىنىڭ جەتەكشىسى دوس كوشىم, «جەلتوقسان اقيقاتى» گازەتىنىڭ باس رەداكتورى امانعازى كارىبجاناۋلەتى, «بولاشاق» جاستار قوزعالىسىنىڭ جەتەكشىسى داۋرەن بابامۇراتوۆ, «جاس قازاق ءۇنى» گازەتىنىڭ باس رەداكتورى قازىبەك يسا سەكىلدى بىرقاتار قوعام قايراتكەرلەرى باس قوسقان جيىندا «جەلتوقسان كوتەرىلىسىنە قاتىسقان ازاماتتاردىڭ كوبى ۇلكەن قيىندىقتارعا تاپ بولىپ, ءبىرى تۇرمەگە قامالىپ, ءبىرى جۇمىستان قۋىلعاندىعىن, ءبىلىم الىپ جاتقان وقۋ ورىندارىنان شى­عارىلىپ, تالاي بوزبالا مەن بويجەت­كەن­نىڭ ومىرىنە بالتا شابىلعاندىعىن جانە ءومىر­دەن ءوز ورنىن تاۋىپ, مۇمكىندىكتەرىن جۇزەگە اسىرۋعا جاعدايلارى بولماي, الەۋ­مەتتىك احۋالىن جاقسارتا الماي كۇيزەل­گەن­دىگىن, ءبۇ­گىنگى تاۋەلسىزدىگىمىز ءۇشىن زا­مانداستا­رى­مىز ءوز بولاشاقتارىن قۇربان ەتكەندىگىن» اتاپ ءوتىپ, وتىرىس بارىسىندا «اق جولدىڭ» كوشباسشىسى ازات پەرۋاشەۆ بۇگىنگى باسقوسۋدىڭ ماقساتى ساياسي قادام ەمەس, ۇلت تاريحىن ۇلىقتاۋ ەكەندىگىن باسا ايتتى. پارتيانىڭ بۇل باستاماسىن اتىراۋ, قىزىلوردا, الماتى, شىعىس قازاقستان, قاراعاندى, جامبىل وبلىستارى مەن استانا جانە الماتى قالالىق اۆتوپارك باس­شى­لارى ۇلكەن ىقىلاسپەن قابىل الدى. بۇل ۇسىنىستى ازاماتتىق پارىز دەپ قا­بىل­داعان اۆتوپارك باسشىلارى ءتىپتى قو­عام­دىق كولىكتە تەگىن ءجۇرۋ ءۇشىن جالتوق­سانشىلارعا ارنايى جول ءجۇرۋ بيلەتتەرىن ۇزاق مەرزىمگە بەرۋگە ىقىلاستى ەكەندىكتەرىن جەتكىزدى. قاراعاندى وبلىسىنىڭ تا­سىمالداۋ قىزمەتى «تتS» جشس-ءنىڭ دي­رەك­تورى م.بەرقاليەۆ قوعامدىق كومي­تەت­تىڭ قۇرىلعانىنا ريزالىعىن ءبىلدىرىپ, وسى ۇيىمنىڭ جۇمىسىنا شىن نيەتپەن ات­سالى­ساتىندىعىن ايتتى. وتىرىس بارى­سىن­دا قوعامدىق كوميتەت پەن قازاق­ستاننىڭ «اق جول» دەموكراتيالىق پار­تياسى جانە اۆتوپاركتەر اراسىندا كەلىسىمگە قول قويىلدى. وسى قۇجاتتىڭ نەگىزىندە اۆتوپاركتەر قوعامدىق كوميتەت بەكىتكەن ءتىزىم بويىنشا جەلتوقسانشىلارعا قوعامدىق كولىكتەردە تەگىن ءجۇرۋى ءۇشىن ارنايى بيلەتتەر دايىنداپ, جاقىن كۇندەردە تابىس ەتە باستايدى. بۇدان وزگە وسى وتىرىستا جەلتوقسان كوتەرىلىسىنىڭ 25 جىلدىعىن لايىقتى اتاپ ءوتۋ ماقساتىندا ەلىمىزدىڭ بارلىق قالا­لا­رى مەن اۋداندارىندا جەلتوقسان كوتەرى­لى­سى تاقىرىبىندا ارناۋلى ءىس-شارالار ۇيىمداس­تى­رىلىپ, قالا كوشەلەرىنە ار­ناۋ­لى بيلبوردتار ىلىنەتىن بولادى. سون­داي-اق, قوعام­دىق ۇيىمدار مەن قوعام قاي­راتكەرلەرىنىڭ ۇسىنۋى بويىنشا جەل­توق­سانعا قاتىسقان جانە قۋعىن-سۇرگىنگە تاپ بولعان ازاماتتارعا مەملەكەتتىك ءدا­رە­جەدە ارناۋلى ماراپات تاعايىنداۋ ۇسى­نى­سى دا قابىلداندى. جەلتوقسان كوتەرىلىسىنىڭ 25 جىل­دى­عىن لايىقتى اتاپ ءوتۋ جونىندەگى قوعام­دىق كوميتەت قازاقستاننىڭ «اق جول» دەموكراتيالىق پارتياسىنىڭ ۇيىتقى بولۋىمەن 2001 جىلدىڭ 14 قىركۇيەگىندە قۇرىلىپ, ونىڭ توراعاسى بولىپ بەلگىلى قوعام قايراتكەرى, جازۋشى ءارى جەلتوقسان تاقىرىبىن زەرتتەۋشى عالىم سماعۇل ەلۋباي ءبىراۋىزدان سايلانعان بولاتىن. قانات ەسكەندىر. الماتى.