2011 جىلعى 29 شىلدە, استانا قالاسى
باعالاۋ قىزمەتi بويىنشا تاعىلىمدامادان ءوتۋ جونىندەگى نۇسقاۋلىقتى بەكىتۋ تۋرالى
«قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسى زاڭىنىڭ 19-بابىنا سايكەس, بۇيىرامىن:
1. باعالاۋ قىزمەتi بويىنشا تاعىلىمدامادان ءوتۋ جونىندەگى نۇسقاۋلىق بەكىتىلسىن.
2. قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرسىندا ورنالاستىرۋ جونىندەگى شارالاردىڭ قابىلدانۋىن قامتاماسىز ەتسىن.
3. وسى بۇيرىقتىن ورىندالۋىن باقىلاۋ قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتىنىڭ توراعاسى م.ي.سەكسەمباەۆقا جۇكتەلسىن.
4. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى م.بەكەتاەۆ.
قازاقستان رەسپۋبليكاسى ادىلەت ءمينيسترى مىندەتىن اتقارۋشىنىڭ 2011 جىلعى 29 شىلدەدەگى № 271 بۇيرىعىمەن بەكىتىلدى
باعالاۋ قىزمەتى بويىنشا تاعىلىمدامادان ءوتۋ تۋرالى نۇسقاۋلىق
1. وسى باعالاۋ قىزمەتى بويىنشا تاعىلىمدامادان ءوتۋ تۋرالى نۇسقاۋلىق (بۇدان ءارى – نۇسقاۋلىق) «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسى زاڭىنىڭ 19-بابىنىڭ 2)-تارماقشاسىنا سايكەس ازىرلەندى جانە باعالاۋ قىزمەتىمەن اينالىسۋ قۇقىعىنا ۇمىتكەر تۇلعالاردىڭ تاعىلىمدامادان ءوتۋ ءتارتىبىن ناقتىلايدى. 2. باعالاۋ قىزمەتىمەن اينالىسۋ قۇقىعىنا ۇمىتكەر كەمىندە ءۇش جىل باعالاۋ قىزمەتى ستاجى بار باعالاۋشىدا تاعىلىمدامادان وتەدى. 3. رەسپۋبليكالىق باعالاۋشىلار پالاتاسى باعالاۋ قىزمەتىمەن اينالىسۋ قۇقىعىنا ۇمىتكەر تۇلعالاردىڭ تاعىلىمدامادان ءوتۋ ءتارتىبى تۋرالى ۇسىنىمداردى (بۇدان ءارى – ۇسىنىمدار) ازىرلەيدى. رەسپۋبليكالىق باعالاۋشىلار پالاتاسىنىڭ ۇسىنىمدارى باعالاۋ قىزمەتىمەن اينالىسۋ قۇقىعىنا ۇمىتكەر تۇلعالاردىڭ باعالاۋ قىزمەتى بويىنشا تاجىريبەلىك داعدى جانە ارنايى تەوريالىق ءبىلىم الۋىنا باعىتتالعان ءىس-شارالار ءتىزىلىمىن, تاعىلىمدامادان ءوتۋ ءتارتىبىن قامتيدى. رەسپۋبليكالىق باعالاۋشىلار پالاتاسى باعالاۋ قىزمەتى بويىنشا تاعىلىمدامادان ءوتۋدى راستايتىن قۇجاتتىڭ نىسانىن ايقىندايدى. 4. ۇسىنىمدار نەگىزىندە باعالاۋشىلار پالاتاسى باعالاۋ قىزمەتىمەن اينالىسۋ قۇقىعىنا ۇمىتكەر تۇلعالاردىڭ تاعىلىمدامادان ءوتۋ باعدارلاماسىن (بۇدان ءارى – باعدارلاما) بەكىتەدى. باعدارلاما باعالاۋ قىزمەتىنىڭ ءوتىنىش بەرىلگەن ءتۇرى ەسەپكە الىنا وتىرىپ, باعالاۋ قىزمەتىمەن اينالىسۋ قۇقىعىنا ۇمىتكەر تۇلعانىڭ ءار قايسىسىنا بەكىتىلەدى. 5. باعدارلامانى مەڭگەرۋ ءۇشىن باعالاۋشىلار پالاتاسى وسى نۇسقاۋلىقتىڭ 2-تارماعىندا كورسەتىلگەن تالاپتارعا جاۋاپ بەرەتىن تاعىلىمدامانىڭ جەتەكشىسىن تاعايىندايدى. 6. تاعىلىمدامانىڭ ناتيجەسى بويىنشا باعالاۋشىلار پالاتاسىمەن تاعىلىمدامادان ءوتۋ بارىسىندا باعالاۋ قىزمەتىمەن اينالىسۋعا ۇمىتكەر تۇلعانىڭ العان تەوريالىق بىلىمدەرى مەن تاجىريبەلىك داعدى, جالپى دايىندىق دارەجەسى كورسەتىلىپ, باعالاۋ قىزمەتى بويىنشا پاندەردىڭ ءتىزىمى كورسەتىلىپ قورىتىندى شىعارىلادى. قورىتىندىعا تاعىلىمداما جەتەكشىسىنىڭ قولى قويىلادى جانە باعالاۋشىلار پالاتاسىنىڭ توراعاسىمەن بەكىتىلەدى. 7. تاعىلىمداما ناتيجەلەرى تۋرالى وڭ قورىتىندى شىعارىلعان جاعدايدا باعالاۋ قىزمەتىمەن اينالىسۋ قۇقىعىنا ۇمىتكەر تۇلعا تاعىلىمدامادان ءوتتى دەپ سانالادى. تاعىلىمداما ناتيجەلەرى تۋرالى تەرىس قورىتىندى شىعارىلعان جاعدايدا باعالاۋ قىزمەتىمەن اينالىسۋ قۇقىعىنا ۇمىتكەر تۇلعا تاعىلىمدامادان وتكەن جوق دەپ سانالادى جانە جالپى نەگىزدەر بويىنشا تاعىلىمداماعا قايتا جىبەرىلۋى مۇمكىن. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 12 قىركۇيەكتە نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7188 بولىپ ەنگىزىلدى.
