2011 جىلعى 27 تامىز, استانا, ۇكىمەت ءۇيى
«قازاقستان رەسپۋبليكاسىندا اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە الۋدى جۇرگىزۋ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى
5 مامىرداعى № 371 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسىندا اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە الۋدى جۇرگىزۋ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 5 مامىرداعى № 371 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 17, 157-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىندا اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە الۋدى جۇرگىزۋ ءتارتىبى تۋرالى ەرەجەدە:
43-تارماقتىڭ 9) تارماقشاسى مىناداي رەداكتسيادا جازىلسىن:
«9) قازاقستان رەسپۋبليكاسى پروكۋراتۋرا ورگاندارىنىڭ, قازاقستان رەسپۋبليكاسى ىشكى ىستەر مينيسترلىگىنىڭ, قازاقستان رەسپۋبليكاسى توتەنشە جاعدايلار مينيسترلىگى ورتكە قارسى قىزمەتىنىڭ, قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) جانە قازاقستان رەسپۋبليكاسى قارجى مينيسترلىگى كەدەندىك باقىلاۋ كوميتەتىنىڭ (بۇدان ءارى – قۇقىق قورعاۋ ورگاندارى) ارنايى ەسەبىنە الىنعان.»;
55-تارماق مىناداي رەداكتسيادا جازىلسىن:
«55. اسكەرگە شاقىرىلۋشىلاردى اسكەري ەسەپتەن شىعارۋ جانە ولاردى قۇقىق قورعاۋ ورگاندارىنىڭ ارنايى ەسەبىنە الۋ وسى مەملەكەتتىك ورگانداردىڭ بۇيرىقتارىنان الىنعان كوشىرمە-جازبا نەگىزىندە, ال قازاقستان رەسپۋبليكاسى ىشكى ىستەر مينيسترلىگى, قازاقستان رەسپۋبليكاسى توتەنشە جاعدايلار مينيسترلىگى جانە قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) (بۇدان ءارى – ءىىم, تجم جانە ەسجكا) ارنايى وقۋ ورىندارىنىڭ كۋرسانتتارى مەن تىڭداۋشىلارىن – وقۋ ورىندارىنىڭ كادر ورگاندارىنىڭ بۇيرىقتارىنان الىنعان ۇزىندە نەگىزىندە جۇرگىزىلەدى.
اسكەرگە شاقىرىلۋشىنىڭ ەسەپ كارتاسىنا جانە ەسەپتىك-الفاۆيتتىك كىتاپقا بەلگىلەنگەن قۇقىق قورعاۋ ورگانىنىڭ بۇيرىعىنىڭ كۇنى مەن ءنومىرىن كورسەتە وتىرىپ, اسكەرگە شاقىرىلۋشىنى اسكەري ەسەپتەن شىعارۋ تۋرالى بەلگى قويىلادى. جەكە ءىس مۇراعاتقا تاپسىرىلادى جانە ولار 27 جاسقا جەتكەنگە دەيىن ساقتالادى.
ەسەپكە الۋ-الفاۆيتتىك كىتاپقا جەكە ءىستىڭ ساقتالاتىن ورنى تۋرالى بەلگى قويىلادى.»;
7-ءبولىمنىڭ تاقىرىبى مىناداي رەداكتسيادا جازىلسىن:
«7. قۇقىق قورعاۋ ورگاندارىندا قىزمەت وتكەرەتىن ازاماتتاردى اسكەري ەسەپكە الۋ ءتارتىبى جانە ەرەكشەلىكتەرى»;
82-تارماق مىناداي رەداكتسيادا جازىلسىن:
«82. قۇقىق قورعاۋ ورگاندارىندا قىزمەت وتكەرەتىن اسكەري مىندەتتىلەردى, سونداي-اق ءىىم, تجم مەن ەسجكا وقۋ ورىندارىنىڭ كۋرسانتتارى مەن تىڭداۋشىلارىن ەسەپكە الۋ وسى مەملەكەتتىك ورگانداردىڭ ءبىرىنشى باسشىلارى مەن وسى ەرەجە بەلگىلەيتىن تارتىپپەن جۇزەگە اسىرىلادى.»;
83-تارماقتىڭ ءبىرىنشى بولىگى مىناداي رەداكتسيادا جازىلسىن:
«83. ءجابو-دا (اۋداننىڭ, قالانىڭ) قۇقىق قورعاۋ ورگاندارىنىڭ قىزمەتكەرلەرىن, سونداي-اق ءىىم, تجم مەن ەسجكا ارنايى وقۋ ورىندارىنىڭ كۋرسانتتارى مەن تىڭداۋشىلارىن اسكەري ەسەپتەن شىعارۋ ەكى دانادا اتاۋلى تىزىمدەردى, اسكەري بيلەتتەردى جانە/نەمەسە تىركەۋ تۋرالى كۋالىكتەردى قوسا بەرە وتىرىپ, ازاماتتاردىڭ تۇرعىلىقتى جەرى بويىنشا ءجابو-عا (اۋداننىڭ, قالانىڭ) جىبەرىلەتىن كورسەتىلگەن ورگانداردىڭ قولداۋحاتى بويىنشا جۇرگىزىلەدى.»;
84, 85 جانە 86-تارماقتار مىناداي رەداكتسيادا جازىلسىن:
«84. قۇقىق قورعاۋ ورگاندارىنىڭ قىزمەتىنەن قىزمەتكەرلەردى بوساتۋ كەزىندە كادر ورگاندارى ولارعا ەرەجەگە 27-قوسىمشاعا سايكەس نۇسقاما بەرەدى جانە ولاردى جەتى كۇن مەرزىمدە اسكەري ەسەپكە تۇرۋ ءۇشىن تۇرعىلىقتى جەرى بويىنشا ءجابو-عا (اۋداننىڭ, قالانىڭ) كەلۋگە مىندەتتەيدى, ولاردىڭ شىعارىلعانى تۋرالى ءجابو-نى (اۋداننىڭ, قالانىڭ) جازباشا حاباردار ەتەدى.
85. قۇقىق قورعاۋ ورگاندارىنان بوساتىلعان قىزمەتكەرلەر, سونداي-اق وقۋدان شىعارىلعان جانە/نەمەسە كەلىسىم-شارتتى بۇزعان, بىراق 27 جاسقا تولماعان جانە شاقىرۋ بويىنشا بەلگىلەنگەن اسكەري قىزمەت مەرزىمىن وتكەرمەگەن ءىىم, تجم مەن ەسجكا ارنايى وقۋ ورىندارىنىڭ كۋرسانتتارى مەن تىڭداۋشىلارى تۇرعىلىقتى جەرى بويىنشا اسكەرگە شاقىرىلۋشىلاردىڭ اسكەري ەسەبىنە قابىلدانادى.
86. ءتيىستى قۇقىق قورعاۋ ورگاندارىنىڭ باسشىلارى جىل سايىن 1 اقپاندا (اعىمداعى جىلعى 1 قاڭتارداعى جاعداي بويىنشا) ءجابو-عا (اۋداننىڭ, قالانىڭ) سالىستىرۋ ءۇشىن قازاقستان رەسپۋبليكاسى قورعانىس مينيسترلىگى بەلگىلەگەن نىسان بويىنشا كورسەتىلگەن ورگانداردا قىزمەت وتكەرىپ جاتقان اسكەري مىندەتتىلەر مەن اسكەرگە شاقىرىلۋشىلاردىڭ سانى تۋرالى مالىمەتتەردى ۇسىنادى.
قۇقىق قورعاۋ ورگاندارىندا قىزمەت وتكەرىپ جاتقان ازاماتتاردىڭ سانى تۋرالى مالىمەتتەر ءجابو-دا (اۋداننىڭ, قالانىڭ) ولارعا بوتەن ادامداردىڭ قول جەتكىزۋىن بولدىرمايتىن ءمور قويىلعان جەكە كارتوتەكالاردا ساقتالادى. كورسەتىلگەن قۇجاتتارمەن جۇمىس ىستەۋگە تەك ءجابو (اۋداننىڭ, قالانىڭ) باستىعىنىڭ بۇيرىعىمەن ايقىندالاتىن ادامدارعا عانا رۇقسات ەتىلەدى.».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
