ەتەنە بايلانىستىڭ ءتيىمدى قۇرالى

«نۇر وتان» پارتياسىنىڭ قوعامدىق قابىلداۋ ءبولىمى حا­لىق­پەن ەتەنە بايلانى­سۋ­دىڭ ەڭ ءبىر ءتيىمدى قۇرالىنا اينالدى. بۇگىنگى كۇنى «نۇر وتاندا» تۇراقتى تۇردە دەپۋتاتتارمەن, مەملەكەتتىك جانە قۇقىق قورعاۋ ورگاندارى, بانك­تەر, باسقا دا مەكەمە باس­شى­لارىمەن  ازاماتتاردى قا­بىل­داۋ وتكىزىلىپ, قازاق­ستان ادۆوكاتتار وداعى جانە «قو­عامدىق قورعاۋشى» رقب وكىل­دەرىمەن تەگىن كەڭەس بەرۋ كومە­گى كورسەتىلەدى. ال بۇگىننەن باس­­تاپ پار­تيانىڭ قوعامدىق قابىلداۋ بولىمىندە تكش جانە قۇرىلىس ىستەرى جونىندەگى اگەنتتىگى, تكش قازاقستاندىق ورتالىعىمەن بىرلەسىپ ءار اپتا سايىن كونسۋلتاتسيالىق كە­ڭەس بەرۋ وتكىزىلەتىن بولادى.   بۇل شەشىم قازاننىڭ 4-ءى كۇنى ورتالىق اپپاراتتىڭ قوعامدىق قابىلداۋىندا, پارتيا توراعاسى­نىڭ ءبىرىنشى ورىنباسارى نۇرلان نىعماتۋليننىڭ قاتىسۋىمەن بول­عان قابىلداۋ كەزىندە ايتىلدى. جاڭا جۇمىس ءتارتىبىن ەنگىزۋ ۇسى­نىسىن «تكش قازورتالىعى» باس­قارماسىنىڭ توراعاسى ءاليحان بيجانوۆ العا تارتتى. تۇرعىن ءۇي-كوممۋنالدىق شا­رۋا­شىلىعىن جاڭعىرتۋدىڭ 2020 جىلعا دەيىنگى باعدارلاماسى ايا­سىن­دا 11 مىڭنان استام ۇيلەر مەن  81 مىڭنان استام جىلۋ-ەلەك­تر جانە كوگىلدىر وتىن جەلىلەرىن جوندەۋ كوزدەلگەن. قازاقستاندا وسى سالانىڭ زاماناۋي ۇلگىلەرىنىڭ ەنگىزىلۋى كوپتەگەن ساۋالداردىڭ تۋىنداۋىنا سەبەپشى بولۋدا. سون­دىقتان قوعامدىق قابىلداۋعا تۇسكەن سۇراقتار لەگى قازاق­ستان­دىق­تار ءۇشىن جايلى تۇرعىن ءۇي ماسە­لەسى ءبىرىنشى كەزەكتە تۇرا­تى­نىن كور­سەتىپ وتىر. تەك قىركۇيەك ايى­نىڭ وزىندە تۇرعىن ءۇي-كوم­مۋ­نالدىق شا­رۋا­­شىلىعى بويىنشا تۇسكەن ءوتى­نىشتەر سانى وتكەن جىل­دىڭ وسى ۋاقى­تىمەن سالىس­تىر­عاندا  3,2 پايىزعا ارتقان. «بيزنەستىڭ جول كارتا­سى-­2020» باعدارلاماسى اياسىندا  ششۋچە-بۋراباي كۋرورتتىق اي­ماعى ەرەسەكتەر مەن بالالاردىڭ بەلسەندى دەمالىس ورتالىعى جو­با­سىن قارجىلاندى­رۋعا كومەك­تە­سۋ. بۇل دا بۇگىن قابىلدان­عان ما­ڭىزدى شەشىمدەر­دىڭ ءبىرى. ور­تالىق عيماراتى ءۇشىن ءالى تولىق سالىنباعان مەكتەپ-گينازيانىڭ قۇرلىسى پايدالانىل­ماق. وسى جەردە ويىن-ساۋىققا قاجەتتىنىڭ بارلى­عىمەن  قامتاما­سىز ەتىلگەن بالالار قالاشىعى بوي كوتەرمەك. «نۇر وتان» پارتياسى ءتور­اعا­سىنىڭ ءبىرىنشى ورىنباسارىنىڭ قابىلداۋىنا كەلگەندەردىڭ بار­لى­عى ءوز ساۋالدارىنا جاۋاپ الدى. حالىق اراسىندا «نۇر وتان­عا» دەگەن سەنىمنىڭ ارتقانىن ساندار دا دالەلدەيدى. ايتالىق, جىل باسىنان بەرى قوعامدىق قابىلداۋ بولىمىنە 50 مىڭنان استام ءوتىنىش تۇسكەن, ونىڭ 20 مىڭى جازبا تۇرىندە.  وتىنىشتەردىڭ 45 پايىز­دان استامى مەملەكەتتىك ورگاندار قا­راۋىنا جولدانىپ, وڭ شەشىمىن تاپقان.