داۋلار قۇقىقتىق نەگىزدە شەشىلمەك

الماتىدا ەكونوميكا سالا­سىن­داعى داۋلارعا بايلانىستى ىستەردى قارايتىن جوعارى اربيتراج, ەكونوميكالىق, شارۋا­شى­لىق جانە باسقا دا سوتتار ءتور­اعا­لارىنىڭ كەزەكتى ءVىىى ءماجىلىسى ءوز جۇمىسىن اياقتادى. حالىقارالىق دەڭگەيدەگى جيىندى كىرىسپە ءسوز سويلەپ اشقان جوعارعى سوت توراعاسى بەكتاس بەكنازاروۆ سوت توراعالارىنىڭ كەزەكتى سەگىزىنشى ءماجىلىسىنىڭ, سونىمەن بىرگە ال­داعى باسقوسۋلاردىڭ دا تابىستى بو­لا­تىن­دىعىنا سەنىم ءبىلدىردى. جوعارى اربيتراج, ەكونومي­كا­لىق جانە شارۋاشىلىق سوتتار توراعالارىنىڭ باسقوسۋىنا قا­تىس­قان رەسەي, بەلارۋس, ءتا­جىك­ستان, قىرعىزستان جانە قازاق­ستان مەملەكەتتەرىنىڭ وكىلدەرى جي­ىندا نەگىزىنەن ينتەگراتسيا جاع­دايىنداعى تمد ەلدەرى كەدەندىك زاڭناماسى, كولىكتىك قاتى­ناس, مەملەكەتتىك باج سالىعىن قايتارۋ توڭىرەگىندەگى ماسەلە­لەر­دى جان-جاقتى تالقىلاپ, پىكىر ال­ماستى. تمد ەلدەرى اراسىندا ەكو­نوميكالىق, شارۋاشىلىق جانە وزگە دە سالالاردا تىعىز بايلا­نىس ورناتىلعاننان كەيىن بۇل مەملەكەتتەر اراسىندا تۋىنداي­تىن تۇيتكىلدەردى بىرلەسە وتىرىپ شەشۋدىڭ ماڭىزى زور. جاڭا جىل­دىڭ 1 قاڭتارىنان باستاپ ءوز جۇ­مى­سىن باستايتىن ەۋرازەق سو­تىن قۇرۋ جانە وزگە دە اۋقىمدى ىستەردىڭ كوپكە ورتاق ەكەندىگى ايداي اقيقات. تاۋەلسىز مەملەكەتتەر دوستاس­تى­عى اياسىندا قۇرىلىپ, بىرنەشە جىلدان بەرى جۇمىس اتقارىپ كەلە جاتقان ەكونوميكالىق سوتتىڭ ەۋرازەق سوتىنىڭ قۇرىلۋىنا وراي كەلەشەكتە ءبىر-ءبىرىنىڭ قۇزى­رەتىنە ارالاسىپ كەتۋى مۇمكىن بە, الدە ەكونوميكالىق سوت ءوز جۇ­مىسىن توقتاتا ما؟ تمد ەلدەرى سوت توراعالارى بۇل ءتۇيىننىڭ كوپ­شىلىككە ءتيىمدى ءارى ورتاق شەشىمىن تابۋ توڭىرەگىندە دە وي ءبولىستى. ەڭ باستىسى, بۇل سوت­تاردىڭ ءوز قىز­مەتتەرىندە ءبىرىن-ءبىرى قايتالا­ما­عانى ءجون. كەدەن وداعىنا مۇشە مەم­لە­كەت­تەردىڭ ەكونوميكالىق ىنتى­ماق­تاستىعىنىڭ اياسى كەڭەيىپ, تە­رەڭ­دەي تۇسكەن كەزەڭدە حالىق­ارالىق كەلىسىمدى تۇسىندىرۋگە باي­لانىستى داۋلى ماسەلەلەردىڭ ورىن الۋى ابدەن مۇمكىن. سالا باس­شىلارىنىڭ پىكىرىنشە, سوعان وراي كەدەن ساياساتىن ىسكە اسى­رۋمەن جانە كەدەندىك رەتتەۋ ءىس-شارالارىمەن بايلانىستى كەلى­سىم-شارتتاردىڭ قۇقىقتىق نەگىزىن ودان ءارى جەتىلدىرۋدىڭ تيىمدىلىگى دە, قاجەتتىلىگى دە وراسان. باقىت بالعارينا, الماتى.