وبلىستىق ىشكى ىستەر دەپارتامەنتىنىڭ باسشىلىعى جەرگىلىكتى بيلىك ورىندارىمەن بىرلەسە وتىرىپ, باسپانا ماسەلەسىن شەشۋدىڭ ءتيىمدى جولدارىن ويلاستىرعان. ونىڭ جاعىمدى ءبىر مىسالى رەتىندە جۋىردا يەسىز قالعان جاتاقحانانىڭ قالپىنا كەلتىرىلىپ, وعان 40 ءتارتىپ ساقشىسى قونىستانعانىن ايتۋعا بولادى. بۇدان بولەك, 11 قىزمەتكەر «نۇرلى جەر» باعدارلاماسى ارقىلى جايلى پاتەرلەرگە قول جەتكىزدى.
استانا كۇنى جانە قازاقستان پوليتسياسىنىڭ 25 جىلدىعىنا وراي «جاس وركەن» 100 پاتەرلى كوپقاباتتى تۇرعىن ءۇيدىڭ ىرەتاسى قالاندى.
«ادامداردىڭ تىنىشتىعىن, قوعامنىڭ قاۋىپسىزدىگىن قامتاماسىز ەتۋدە پوليتسيا قىزمەتكەرلەرىنە زور جاۋاپكەرشىلىك جۇكتەلەدى. ولار وسى تالاپ بيىگىنەن ابىرويمەن كورىنىپ كەلەدى. بۇگىن العاشقى كىرپىشى قاعىلعان باسپانا ءتارتىپ ساقشىلارى ءۇشىن سالىنىپ, 2018 جىلى پايدالانۋعا بەرىلەدى», – دەدى ايماق باسشىسى قۇمار اقساقالوۆ.
«تۇرعىن ءۇي جيناق بانكى» اق وبلىستىق فيليالىنىڭ ءتورايىمى رايحان ءابدىراحمانوۆانىڭ ايتۋىنشا, ء«وز ءۇيىم» باعدارلاماسى بويىنشا كوپقاباتتى ءۇش تۇرعىن ءۇي سالۋ جوسپارلانعان. ءار شارشى مەترىنىڭ باعاسىن 125 مىڭ تەڭگەدەن اسىرماۋ بەلگىلەنگەن.
پوليتسيا كاپيتانى ايگۇل ءسابيتوۆا ەكى ۇل-قىز تاربيەلەپ وتىر. جولداسى قىزمەتتىك مىندەتىن اتقارۋ كەزىندە ەرلىكپەن قازا تاپقان. ەندى وسى وتباسى كەلەسى جىلى باسپانالى بولاتىنىنا سەنىمدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.
