سارعا اۋىلىندا ساپالى اۋىز سۋ ماسەلەسى كوپتەن بەرى وتكىر تۇر. تۇرعىنداردىڭ قۋانىشىنا وراي ەندى بۇل ماسەلە شەشىمىن تاباتىن بولادى. جوبالىق قۋاتى از ەمەس, ونىڭ قۇرامىنا سۋ قۇيۋ ستانتسياسى – 91,2 م³/ساع, تازارتىلعان سۋعا ارنالعان سۋ قۇيما سىيىمدىلىعى – 1000 م³; باستاپقى سۋعا ارنالعان سۋ قۇيما سىيىمدىلىعى – 500 م³ كىرەدى. رەسپۋبليكالىق بيۋدجەتتەن قارجىلاندىرىلاتىن نىسان قۇرىلىسىنىڭ قۇنى 487,583 ملن تەڭگە, مەردىگەر – «سيكو» جشس. سۋ قۇبىرىنىڭ ۇزىندىعى 27,275 شاقىرىمدى قۇرايدى.
قۇرىلىس جۇمىستارى 2018 جىلى اياقتالىپ, جوبا ىسكە قوسىلعاندا 30 جەرگىلىكتى تۇرعىندى جۇمىسپەن, 200 تۇرعىن ءۇيدى ساپالى اۋىز سۋمەن قامتاماسىز ەتۋگە مۇمكىندىك تۋادى.
ماڭعىستاۋ وبلىسىنىڭ اكىمى ەرالى توعجانوۆ ەلباسى جولداۋىندا اۋىل ەكونوميكاسى مەن ينفراقۇرىلىمىن دامىتۋداعى مەملەكەتتىك ساياسات ايماقتاردا زاماناۋي ستاندارتتارعا سايكەس تۇرۋعا قولايلى جاعداي جاساۋ ءۇشىن باعىتتالعانىن اتاپ ءوتتى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
