اۋدان ورتالىعىنداعى باستى الاڭعا سۇيىكتى əنشىلەرىنىڭ ونەرىن تاماشالاۋ ءۇشىن 5 مىڭعا جۋىق كورەرمەن جينالدى. مەرەكەلىك دۋمانعا تەك ماحامبەتتىكتەر ەمەس, وبلىس ورتالىعى مەن باسقا اۋدانداردىڭ, كورشىلەس وبلىستاردىڭ تۇرعىندارى دا كەلدى.
Əرتىستەردىڭ كونتسەرتىنەن بولەك كورەرمەندەرگە سەرۋەندەپ, بالالاردىڭ əتكەنشەكتەر مەن باتۋتتاردا ويناۋىنا جاعداي جاسالدى.
«حالىققا كەرەمەت مەرەكەلىك كەش سىيلاپ, وسىنداي شارا ۇيىمداستىرىلعانى ءبىزدى قۋانتادى, – دەپ əسەرىمەن ءبولىستى ماحامبەت اۋدانىنىڭ تۇرعىنى Əيگەرىم سəرسەكەەۆا. – سوڭعى جىلدارى ءبىزدىڭ وڭىرگە روزا رىمباەۆا, ماقپال ءجۇنىسوۆا, تامارا اسار, بەيبىت قورعان سىندى كوپتەگەن əنشىلەر كەلدى. مىنە ەندى «مۋزارتتى» دا كوردىك, اۋدان ورتالىعىندا ناعىز جۇلدىزداردىڭ ونەرىنە ءتəنتى بولعانىمىزعا ريزامىز. بۇل ءبىز ءۇشىن ايرىقشا وقيعا».
كونتسەرت كەزىندە ماحامبەت اۋدانىنىڭ ەڭبەك ارداگەرلەرىنە قۇرمەت كورسەتىلدى, ساحناعا شاقىرىلىپ, العىس حاتتار مەن باعالى سىيلىقتار تابىستالدى.
ء«بىز مەملەكەت باسشىسىنىڭ اۋىل-ەلدەگى حالىقتىڭ مəدەني دەڭگەيىن كوتەرۋ, اۋىلدى دامىتۋ تۋرالى تاپسىرماسىن باسشىلىققا الىپ وتىرمىز. اي سايىن قازاقستاندىق ەسترادا جۇلدىزدارىنىڭ قاتىسۋىمەن كونتسەرتتىك باعدارلاما وتكىزەمىز. Əلەۋمەتتىك ينفراقۇرىلىم جوبالارىن دا جۇزەگە اسىرىپ جاتىرمىز, – دەدى ماحامبەت اۋدانىنىڭ əكىمى اليمۇحاممەد قۇتتىمۇرات ۇلى. – بۇل يگى ىستەردە وبلىس باسشىلىعى مەن بەلسەندى تۇرعىنداردىڭ مول ۇلەسى بار. كەڭ كولەمدى شارالارمەن قاتار əر اپتا سايىن ەكسپو حالىقارالىق كورمەسىنە ارنالعان كونتسەرتتەر وتەدى. وعان قاتىسقان تۇرعىنداردىڭ ەلىمىزدەگى ماڭىزدى كورمەگە تەگىن بيلەت ۇتىپ الۋىنا مۇمكىندىك بار».
