وسىندايدا تسەلينوگراد قالاسى باۋىرىندا وتكەن ستۋدەنتتىك الاڭسىز شاقتار ەسكە تۇسەدى. ەل اۋزىندا «ۇلكەن سەلو» اتانىپ كەتكەن قالانىڭ ورنىندا جاسامپازدىلىق پەن قۋاتتىلىقتىڭ سيمۆولىنا, رۋحاني قۇندىلىقتار بەسىگىنە اينالعان الىپ جوبا ىسكە قوسىلادى دەۋ ءوڭىمىز تۇگىل تۇسىمىزگە ەنبەگەن. عاجايىپ قيالدا عانا ەلەستەتە الاتىنبىز.
تاريح ءۇشىن قاس-قاعىم سانالاتىن ۋاقىت ىشىندە تəۋەلسىز وتانىمىزدىڭ تۇڭعىش پرەزيدەنتى نۇرسۇلتان نازارباەۆتىڭ الىس-جاقىندى بولجاي بىلەتىن كورەگەن ساياساتى ارقاسىندا كۇللى ەلىمىزدى بارشا الەمگە تانىتقان الىپ شاحاردىڭ سارىارقا كىندىگىندە ورناۋى ەكىنىڭ ءبىرىنىڭ قولىنان كەلمەيتىن ۇلىلىق دەر ەدىم. رەسپۋبليكا تۇرعىندارىنا تەڭدەسسىز سىيلىق, قۋانىش سىيلاعان تاۋەكەلدىلىك, جانكەشتىلىك قادام ەل جاڭارۋىنا جول سالىپ, كەلەشەككە دەگەن زور ءۇمىتتى وياتتى.
قونىس اۋدارۋ تۋرالى شەشىم قابىلدانعان كەزدە حالقى 290 مىڭداي بولسا, ەكونوميكالىق, ساياسي دامۋ جايىن ايتپاي-اق قويايىق, بىلتىر ميلليونشى تۇرعىنمەن تولىعۋىنىڭ ءوزى دەموگرافيالىق ماسەلەنىڭ دە قيسىندى شەشىلگەنىن ايعاقتاسا كەرەك. ءىرى عىلىمي, مادەني, ىسكەرلىك ورتالىق رەتىندە دە, ەلدە تۇراقتىلىق پەن ۇلتارالىق كەلىسىمدى نىعايتۋ تۇرعىسىنان دا زور ماڭىزعا, وراسان الەۋەتتەرگە يە. الەمدىك اۋقىمداعى سامميتتەر مەن فورۋمداردىڭ باسىن توعىستىرىپ, ەڭ وزىق وتىز ەلدىڭ ساپىنا قوسىلۋعا اركەز ۇمتىلدىرىپ كەلەدى. ەندى 2050 جىلعا تامان الەمنىڭ ەڭ ۇزدىك قالالارىنىڭ وندىعىنا ەنگىزۋ مىندەتى قويىلىپ, جان-جاقتى وركەندەۋىنىڭ قارىشتى قادامدارى بەلگىلەندى ەلباسىنىڭ 2005 جىلى جارىق كورگەن «ەۆرازيا جۇرەگىندە» كىتابىنان «...ەركە ەسىلدىڭ جاعاسىندا بوي كوتەرگەن, ەرەكشە ساۋلەتتىك لاندشافتى بار, بىرەگەي مۇسىندىك نىشاندارى ساپ تۇزەگەن, جوعارى تەحنولوگيالى بولاشاققا ۇمتىلعان, وزگەنى سىيلاپ, ءوزىنىڭ جاڭا استاناسى مەن ءوز ەلىن شەكسىز ماقتانىش تۇتاتىن كوپ ۇلتتى جانە كوپدىندى اسەم دە مەيىرلى استانامىز, مىنە وسىنداي قالا» دەگەن ءۇزىندىنى كەلتىرە وتىرىپ, «جوعارى تەحنولوگيالى بولاشاققا ۇمتىلعان» دەگەن تىركەستىڭ ءمان-ماعىناسىنا توقتالعىم كەلىپ وتىر.
بۇگىندە قازاقستاندىقتار عانا ەمەس, شەتەلدىكتەر دە «ەكسپو-2017» حالىقارالىق مامانداندىرىلعان كورمەسىن ەرەكشە قۇشتارلىقپەن تاماشالاۋدا. وعان 115 مەملەكەت پەن 22 حالىقارالىق ۇيىمنىڭ قاتىسۋى بەدەلىمىزدىڭ قانشالىقتى دارەجەدە ەكەنىن ايعاقتاسا كەرەك. ءبىزدىڭ شارۋاشىلىق جۇمىسشىلارى مەن مەكتەپ وقۋشىلارى كورمە اياسىندا تەگىن ساياحات جاساپ, قىزىقتاپ قايتتى. العان اسەرلەرى تاۋسىلار ەمەس. «بولاشاقتىڭ ەنەرگياسىن باستى دىڭگەك, نەگىزگى وزەك ەتكەن ەكسپو جاحاندىق كەڭىستىكتەگى بيىك بەلەستەرىمىزدىڭ ءبىرى ەكەنى داۋسىز.
«استانانىڭ وركەندەۋى–ەلىمىزدىڭ وركەندەۋى» قاعيداتى جەرگىلىكتى جەرلەردە دە جاڭاشىل يدەيالارمەن تولىعا تۇسۋدە. ەلورداعا قاراپ وي دا, بوي دا تۇزەۋگە دەگەن ماقتانىش سەزىمى,اسىرەسە, جاستارىمىزعا ءتان قاسيەت ەكەنى قۋانتادى. استانا كۇنىنە جوعارى جەتىستىكتەرمەن كەلى–بىزدىڭ ۇجىم ءۇشىن قالىپتاسقان ءداستۇر. اسىل تۇقىمدى شارۋاشىلىق مارتەبەسىنە يەمىز. قازىر 600 باس ابەردين-انگۋس سيىرى وسىرىلەدى. جىل باسىنانا بەرى 300-گە جۋىق ءىرى قارا مالى ساتىلدى. سۇرانىستىڭ كوپتىگى ەسكەرىلىپ, انالىق باس سانىن 400-گە دەيىن كوبەيتۋدى مەجەلەپ وتىرمىز. مەملەكەتتەن جىل سايىن 35 ميلليون تەڭگە مولشەرىندە سۋبسيديا بەرىلەدى. بارشا قازاقستاندىقتاردى استانا كۇنىمەن شىن جۇرەكتەن قۇتتىقتايمىن!
ەركەبۇلان مامبەتوۆ,
«مامبەتوۆ جانە ك» كومانديتتىك سەرىكتەستىگىنىڭ باس ديرەكتورى,
وبلىستىق ءماسليحاتتىڭ دەپۋتاتى,
«قۇرمەت» وردەنىنىڭ يەگەرى.
سولتۇستىك قازاقستان وبلىسى,
مامليۋت اۋدانى.
