"استانا قالا قوناقتارىن تاڭعالدىراتىن قالاعا اينادى, بارلىق قازاقستاندىقتاردىڭ ماقتانىشى بولدى. بۇل ءبىر جاعىنان. ەكىنشى جاعىنان, استانا ءوزىنىڭ مۇمكىندىكتەرىن بۇكىل الەمگە كورسەتۋى ءتيىس قالاعا اينالدى. مەن تاۋەكەلگە باردىم. بارلىعىن قويدىم: ساياسي بولاشاقتى, ءوزىمدى جانە باسقالاردى تاۋەكەلگە قويدىم. ارتقا بارار جول جوق دەگەندەي, تەك العا جىلجۋ كەرەك بولدى. ءبىز العا جىلجىدىق, جەڭدىك", - دەيدى نازارباەۆ.
ء"بىر مينۋت بولسا دا كۇماندانعان جوقسىز با؟" - دەپ سۇرادى جۋرناليست روبەرت فرانتسەۆ.
ء"بىر مينۋت بولسا دا كۇماندانعان جوقپىن. كۇماندانعان جاعدايدا مەنىڭ قاسىمداعى ادامدار مەنەن دە قاتتى كۇمانداناتىن ەدى. پارلامەنت داۋىس بەردى, ارينە, كۇماندانعاندار كوپ بولدى. باستاپقىدا ءتىپتى مۇنى ءازىل دەپ ويلاعاندار دا بولدى. بىراق مۇنىڭ ءازىل ەمەس ەكەنىن تۇسىنگەن كەزدە ولار: "داۋىس بەرەيىك. استانامىز قاشان كوشىرىلەدى؟ كەم دەگەندە 40 جىلدان سوڭ, ال ول كەزدە, ءبىز, دەپۋتاتتار, مۇندا بولمايمىز دا" دەپ, داۋىس بەرە باستادى. وسى دەپۋتاتتاردىڭ ءوزى كەيىنىرەك وسىندا جۇكتەرىن الىپ, 1997 جىلى جەلتوقساننىڭ بوراندى كۇنىندە كوشىپ كەلدى", - دەيدى ەلباسى.
