كومەگى كوپ كورمە

كەشە استانادا «كورمە» كور­مە­لەر كەشەنىندە VIII حالىق­ارا­لىق «قازاۆتوجول-2011. جاب­دىق­تار, قۇرىلىس جانە جول كەشەنىنىڭ سەرۆيستىك يندۋسترياسى» كورمەسى ءوز جۇمىسىن باستادى. كورمەنىڭ اشىلۋ سالتاناتىنا كولىك جانە كوممۋنيكاتسيا ءمينيسترى بەرىك كاماليەۆ قاتىستى. كورمەنىڭ جۇمىسىن اشا وتى­رىپ, مينيستر قازىرگى تاڭدا ەل ەكونوميكاسىنىڭ يندۋستريالىق-يننوۆاتسيالىق دامۋىنا ەرەكشە نازار اۋدارىلىپ وتىرعاندىعىن اتاپ ءوتتى. كولىك دالىزدەرىن دا­مى­تۋ, مەملەكەتتىڭ ترانزيتتىك الەۋە­تىن ىسكە اسىرۋ ماسەلەلەرى ءبىرىنشى كەزەكتەگى مىندەتتەر بولىپ تابىلا­دى. وعان دالەل رەتىندە قازىرگى ۋا­قىتتا ەلىمىز اۆتوجولى سالاسىن­دا­عى بۇرىن-سوڭدى بولماعان سەرپىلىستى كەلتىرۋگە بولادى. قارقىندى دامىپ كەلە جاتقان ەكونوميكانىڭ بۇل سالاسىنا جاڭا تەحنولوگيالار, يننوۆاتسيالىق زەرتتەۋلەر قاجەت, دەدى ۆەدومستۆو باسشىسى. «قازاۆتوجول» كورمەسى الدىڭ­عى قاتارلى كومپانيالاردىڭ تەح­نو­لو­گيالارىمەن تانىسۋ, ءتاجى­ري­بەلەر ال­ماسۋ جانە ىنتى­ماقتاس­تىق­تى ور­ناتۋ ءۇشىن مۇمكىندىك تۋ­عىزاتىن كەلىسسوزدەر الاڭى بول­ماق. ويتكەنى بۇعان تەك تمد ەلدەرى عانا ەمەس, الىس شەتەل وكىلدەرى دە قاتىسۋدا. بيىلعى جىلعى كورمەگە جەتپىسكە جۋىق كومپانيالار ءوز ءونىم­دەرى مەن قىزمەت تۇرلەرىن ۇسىنسا, شارا اياسىندا جەكەلەگەن كومپا­نيا­لاردىڭ سەمينار وتكىزۋى جوس­پار­لانعان. وندا ولار ءوز ونىمدەرى مەن قىزمەت تۇرلەرىن كەڭىنەن تانىستىرۋعا مۇمكىندىك الماق. ءابدىراحمان قىدىربەك, سۋرەتتەردى تۇسىرگەن ورىنباي بالمۇرات.