ەل اقىنىن ارداقتادى

پوەزيا جانە جۋرناليستيكا سالاسىندا ارتىنا مول مۇرا قالدىرعان ەسلام زىكىباەۆتىڭ 75 جىلدىعى تۋعان جەرىندە كەڭىنەن اتالىپ ءوتتى. سونداي يگى شارا­نىڭ ءبىرى «اقىن بولىپ عۇ­مىر كەشۋ» دەگەن تاقىرىپتا م.قوزى­باەۆ اتىنداعى سقمۋ-دا قانات قاقتى. ادەبي-سازدى كەشكە اقىن­نىڭ جارى روزا زىكىباەۆا, مار­قۇم­نىڭ تۋعان-تۋىستارى مەن ونەر­سۇيەر قاۋىم قاتىسىپ, ولەڭ-جىرلارىندا شىندىقتى, تازا­لىق­تى, پاكتىكتى جىرلاپ وتكەن اقىننىڭ ادامگەرشىلىك اسىل قا­سيەتتەرى, شىعارماشىلىق قول­تاڭ­باسى جايلى نەبىر سىرلار شەرتىلدى. «اقيقات» جۋرنالىنىڭ ءبولىم مەڭگەرۋشىسى, بەلگىلى پۋبليتسيست سارباس اقتاي, ەۋرازيا ۋنيۆەر­سيتەتىنىڭ پروفەسسورى سەمەتەي جۋسانباەۆ, جەرگىلىكتى اقىندار ءمۇتاللاپ قانعوجين, بولات قو­جاحمەتوۆ جانە تاعى باسقالار تۇلعالى ازاماتتىڭ ىشكى جان دۇنيەسىنە تەرەڭ بويلاپ, اعىنان اقتارىلدى. ءتىل ينستيتۋتىنىڭ ستۋدەنتتەرى اقىننىڭ ولەڭدەرىن ناقىشىنا كەلتىرە وقىپ بەردى. ونىڭ ولەڭدەرىنە جازىلعان اندەر اۋەلەتە شىرقالدى. سونداي-اق, اقىننىڭ جىر توپ­تامالارى ەكى تومدىعىنىڭ تۇساۋ­كەسەرى ءوتتى. اقىننىڭ مەرەيتويى ودان ءارى تۋعان جەرى ورنەك اۋىلىندا جال­عاستى. ءومىر ەسقالي, سولتۇستىك قازاقستان وبلىسى.