مالىمەتىنشە, 2017 جىلعى 6 ايدا حالىققا قىزمەت كورسەتۋ ورتالىقتارىنىڭ جەرگىلىكتى فيليالدارىندا كەلۋشىلەرگە 3 128 778 قىزمەت سانى (ەلەكتروندىق تۇردە 2 267 880 قۇجات قابىلدانعان (پايىزدىق ۇلەسى – 72 %) كورسەتىلسە, بۇل وتكەن جىلدىڭ ءتيىستى كەزەڭىمەن سالىستىرعاندا 537 899 قىزمەت سانىنا كوپ دەگەن ءسوز. ياعني, كورسەتىلگەن قىزمەتتەر سانى بىلتىرعىدان قاراعاندا 23% وسسە, ەلەكتروندىق قىزمەتتەر كولەمى 20 % ارتقان.
وزىنە-ءوزى قىزمەت كورسەتۋ سەكتورىندا ءتيىستى كەزەڭدە 613 331 قىزمەت ءتۇرىن الۋعا كەڭەس بەرىلسە, موبيلدىك حقكو ارقىلى 6 ايدا 687 شىعۋ جاسالعان. ول بويىنشا كورسەتىلگەن قىزمەتتەردىڭ سانى 31 020 قۇراعان. ال مۇمكىندىگى شەكتەۋلى ازاماتتارعا ۇيىنە شىعا وتىرىپ قىزمەت كورسەتۋ بويىنشا 1886 مارتە جۇمىسشى توپ شىعىپ, ولارعا 3062 رەت قىزمەت كورسەتكەن.
«2016 جىلدىڭ قىركۇيەك ايىنان باستاپ پيلوتتىق جوبا رەتىندە ىسكە قوسىلعان مەملەكەتتىك كورپوراتسيا قىزمەتكەرلەرىنىڭ پەرزەنتحانا عيماراتىندا بىردەن 4 قىزمەت ءتۇرىن كورسەتۋگە ءوتىنىش قابىلداۋ بويىنشا جىل باسىنان بەرگى جارتى جىلدا 27 186 قىزمەت سانى كورسەتىلگەن. ونىڭ 16310 قىزمەتى «بالانىڭ تۋىلۋىن تىركەۋگە» قاتىستى بولسا, 5974 قىزمەت سانى «بالا تۋعا جانە ونىڭ كۇتىمى بويىنشا جاردەماقى تاعايىنداۋعا», 1756 قىزمەت «بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتiك تولەمدى تاعايىنداۋعا» جانە 4367 قىزمەت سانى «بالاباقشا كەزەگىنە تۇرۋعا» قاتىستى بولدى», - دەدى ەركەبۇلان السەيىتوۆ.
سونداي-اق, دەپارتامەنت ديرەكتورى 2017 جىلعى 1 ناۋرىزدان باستاپ «ازاماتتارعا ارنالعان ۇكىمەت» مەملەكەتتىك كورپوراتسيادا سويلەۋ جانە ەستۋ قابىلەتى بۇزىلعان ازاماتتارعا مەملەكەتتىك قىزمەتتەردى كورسەتۋدە جاڭا سەرۆيس پايدا بولعانىن مالىمدەدى. ول بويىنشا ادامدارعا ىمداۋ ءتىلىنىڭ كاسىبي مامانى ارنايى قوسالقى مونيتوردان شىنايى ۋاقىت رەجيمىندە سۋردواۋدارما ۇسىناتىن بولادى. بۇل پيلوتتىق جوبا ازاماتتارعا ارنالعان ۇكىمەتتىڭ باستاماسىمەن «اۋعان سوعىسىنىڭ قازاقستاندىق رەسپۋبليكالىق مۇگەدەكتەر بىرلەستىگى» قوعامدىق بىرلەستىگىمەن بىرىگە وتىرىپ جۇزەگە اسىرىلعان.
ايتا كەتكەن ءجون, «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق وقو بويىنشا فيليالى – «حقكو» دەپارتامەنتىندە قازىرگى تاڭدا, 8 قالالىق, 2 ماماندىرىلعان حقكو جانە 18 اۋداندىق ءبولىم, حالىق سانى ۇلكەن ەلدى مەكەندەردە 5 بولىمشە جانە اتۆەو بولىمدەرىندە ورنالاسقان 15 سەكتور قىزمەت اتقارادى.
