«قر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى بويىنشا 2017 جىلعى مامىردا قازاقستان حالقىنىڭ سانى 18 ميلليون ادامعا جەتتى, ال 18 ميلليونىنشى تۇرعىننىڭ تۋعان كۇنى 2017 جىلدىڭ 11 مامىرىنا ساي كەلدى», - دەپ مالىمدەدى ۇلتتىق ەكونوميكا ءمينيسترى تيمۋر سۇلەيمەنوۆ.
18 ميلليونىنشى تۇرعىننىڭ تۋعان كۇنىن انىقتاۋ بارلىق دەموگرافيالىق وقيعالاردى: حالقى سانىنىڭ ءوسىم (تۋ جانە يمميگراتسيا) جانە تومەندەۋ ء(ولىم جانە ەميگراتسيا) كومپونەنتتەرىن ەسكەرە وتىرىپ جاسالدى. كوميتەت 18 ميلليونىنشى تۇرعىندى احات ورگاندارى 2017 جىلعى 11 مامىردا تىركەگەن تۋ تۋرالى اكت جازبالارى مالىمەتتەرى نەگىزىندە قالىپتاستىرىلعان تۋعان كۇندەر بازاسىنداعى بالالاردى ىزدەۋ جولىمەن انىقتادى. كانديداتۋرا ولاردىڭ انالارىنىڭ تۇرعىلىقتى جەرىنە (قالالىق/اۋىلدىق جەر), ولاردىڭ ءبىلىم دەڭگەيى مەن كاسىپتەر تۇرىنە, سونداي-اق جاڭا تۋعان نارەستەلەردىڭ جىنىسى, سالماعى مەن بويىنا قاراماستان, تۇتاستاي العاندا رەسپۋبليكا بويىنشا انىقتالدى.
وسىلايشا, الماتى وبلىسى تالدىقورعان قالاسىندا تۋعان مۋسليما ساماتقىزى 18 ميلليونىنشى تۇرعىن رەتىندە تىركەلگەنى انىقتالدى. مۋسليما وتباسىنداعى ەكىنشى نارەستە. تۋعان كەزدە نارەستەنىڭ سالماعى 3300 گرامم, ال بويى 51 سم بولدى. نارەستەنىڭ اتا-اناسى تالدىقورعان قالاسىندا تۇرادى: اناسى – ومارحانوۆا ديانا ەريكقىزى – دەفەكتولوگ, 1991 جىلى تۋعان, اكەسى – بەستىباەۆ سامات ەركينبەك ۇلى – مۇعالىم, 1982 جىلى تۋعان.
وبلىس اكىمى اماندىق باتالوۆ قازاقستان رەسپۋبليكاسىنىڭ 18 ميلليونىنشى تۇرعىنى دۇنيەگە كەلگەن تالدىقورعان قالاسىندا تۇراتىن بەستىباەۆتار وتباسىنا ارنايى بارىپ قۇتتىقتاپ, جاس وتباسىعا 3 بولمەلى پاتەر بەرىلەتىنىن ايتتى.
ەلباسىنىڭ اتىنان نارەستەگە ارنالعان قۇرال-جابدىقتار, اتاپ ايتقاندا بەسىك, توسەك, كولياسكا, ويىنشىقتار سەكىلدى قاجەتتىلىكتەردى سىيعا تارتقان وبلىس اكىمى ا. باتالوۆ:
«ەلىمىزدىڭ ون سەگىز ميلليونىنشى تۇرعىنىنىڭ الماتى وبلىسىنىڭ ورتالىعى تالدىقورعان قالاسىندا دۇنيەگە كەلگەنى – ءبارىمىز ءۇشىن ەرەكشە قۋانىشتى وقيعا. دەموگرافيالىق ءوسىمىنىڭ جىلدان جىلعا ۇلعايىپ كەلە جاتقانى حالىقتىڭ ەلباسىمىزدىڭ ساليقالى ساياساتىنا, قازاقستاننىڭ بولاشاعىنا دەگەن سەنىمىنىڭ زور ەكەنىن بىلدىرەدى. جاس ۇرپاقتىڭ الاڭسىز ءوسىپ, ءبىلىم الۋىنا ەلىمىزدە بارلىق جاعداي جاسالىپ كەلەدى. ەلباسىنىڭ اتىنان, جەتىسۋ جۇرتشىلىعىنىڭ اتىنان وسى ايتۋلى وقيعامەن شىن جۇرەكتەن قۇتتىقتايمىن. كىشكەنتاي نارەستە امان-ساۋ ءوسىپ, ەر جەتىپ, ەلدىڭ ابىرويلى ازاماتى بولسىن!», دەي كەلە, قالادا كۇزگە تاياۋ پايدالانۋعا بەرىلەتىن جاڭا تۇرعىن ۇيدەن جاس وتباسىنا 3 بولمەلى پاتەر بەرىلەتىنىن جەتكىزدى.
مۋسليمانىڭ اتاسى ەركىنبەك بەستىباەۆ پەن اجەسى ءبيبىتاي جاسىباەۆا كىشكەنتاي نارەستەگە, جاس وتباسىنا, جالپى ءوز اۋلەتتەرىنە كورسەتىلگەن ۇلكەن قۇرمەت پەن سىي ءۇشىن پرەزيدەنتكە, وبلىس باسشىلىعىنا ريزاشىلىعىن ءبىلدىردى.
