قازاقستانعا قۇرمەتپەن قارايدى

ق.ا.ياساۋي اتىنداعى حالىقارالىق قا­زاق-تۇرىك ۋنيۆەرسيتەتى جاستارعا تاۋەلسىز­دىك­تىڭ قۇنىن, ماڭىزىن ۇقتىراتىن, بولا­شاق­قا سەنىممەن قاراۋعا تۇرتكى بولاتىن شارالاردى ىسكە اسىرۋدا. اتاپ ايتساق, قا­راشا ايىندا ەل تاۋەلسىزدىگىنىڭ 20 جىل­دى­عىنا وراي «بولون ۇدەرىسى جانە قازاق­ستان­نىڭ جوعارى ءبىلىم بەرۋ جۇيەسىندەگى رەفورمالار» تاقىرىبىندا حالىقارالىق عىلى­مي-تاجىريبەلىك كونفەرەنتسيا وتپەك. جاس­تار­عا تالىمدىك-وتانشىل­دىق ماڭىز بەرەر بىرقاتار ءىس-شارالار اتقارىلماق. ۇلى بابالارىمىزدىڭ مەرەيتويلارىن, تاريحي ماڭىزى زور داتا­لاردى اتاپ ءوتۋ داستۇرگە اينالعان. بۇل ۇدەرىس فاكۋلتەتتەردە جالعا­سىن تاۋىپ, رەت-رەتىمەن وتۋدە. مۇنى ءبىز تاريحىمىزدى, بابالارى­مىزدى قۇرمەتتەۋ, ماقتانىش ەتۋ دەپ ۇعىنىپ وتىر­مىز. ستۋدەنتتەر اراسىندا ءتۇرلى ۇلتتىق-مادەني ۇيىرمە­لەر­دىڭ ىرگەسى قالاندى. 16 ەلدەن كەلىپ وقىپ جاتقان بىلىمگەرلەر ۇلت­ارالىق تاتۋلىق, كەلىسىم مەن ىنتىماقتا ءومىر سۇرۋدە. مەنىڭ بايقاعانىم, كوپتەگەن شەت مەملەكەتتەردەن كەلگەن ستۋدەنتتەر ءبىزدىڭ ەلىمىزگە قۇر­مەتپەن قارايدى, باعالايدى, ەڭ باستىسى ءبىزدىڭ پرەزيدەنتىمىزدىڭ ساياساتىن قولدايدى. بۇل بىزگە, ءبىزدىڭ جاس­تارىمىزعا ۇلكەن ماقتانىش. جامبىل ايمەنوۆ, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ۆيتسە-پرەزيدەنتى.