«وسىنداي سپورت شارالارى ءبىزدى عانا ەمەس, وتباسى مۇشەلەرىمىزدى, بالالاردى سپورتقا تاربيەلەيدى جانە پوليتسەيلەردىڭ سىمداي تارتىلعان تۇلعاسىن ساقتاۋىنا ىقپال ەتەدى», – دەدى مەرەكەنى اشقان وبلىستىق ىشكى ىستەر دەپارتامەنتى باستىعىنىڭ ورىنباسارى, پوليتسيا پولكوۆنيگى مەرەكە الشاعىروۆ.
مەرەكەلىك سپارتاكياداعا قاتىسقاندار سپورتتىڭ ارمرەستلينگ, گىر كوتەرۋ, ارقان تارتۋ جانە جاعاجاي ۆولەيبولى مەن شاعىن فۋتبول تۇرىنەن جارىسقا ءتۇستى, سونىمەن قاتار بالالار ءۇشىن كوڭىلدى ستارتتار وتكىزىلدى. سپارتاكيادادا ءار سپورت تۇرىنەن جەڭىمپازدار انىقتالىپ وتىردى. مىسالى, ارمرەستلينگتەن پوليتسيا لەيتەنانتى انتون سەليۆانوۆكە ەشكىم شاق كەلمەدى. گىر كوتەرۋدەن پوليتسيا كىشى سەرجانتى اسكەر سالىمبەتوۆ ەرەكشە كوزگە ءتۇستى. ارقان تارتۋ سپورتتىڭ دەمالىستا, كوڭىل كوتەرۋ ءۇشىن وينالاتىن ءتۇرى بولعاندىقتان, وعان جينالعاندار ەكى كوماندا بولىپ قاتىستى.
ءنازيرا جارىمبەتوۆا,
«ەگەمەن قازاقستان»
قوستاناي
