بۇگىن «باۋىرجان» قايىرىمدىلىق قورى مەن الماتىداعى قىتاي حالىق رەسپۋبليكاسىنىڭ باس كونسۋلدىعى, قر ۇستەل تەننيس فەدەراتسياسى ەلىمىزدە العاش رەت بالالار ءۇيىنىڭ تاربيەلەنۋشى قىزدارى اراسىندا پينگ-پونگ ءتۋرنيرىنىڭ باستالعانى تۋرالى جاريالادى. سونداي-اق, تۋرنير ۇيىمداستىرۋشىلارى اتالمىش جوبا اياسىندا ەلىمىزدىڭ تۇكپىر-تۇكپىرىندەگى 100 جەتىمدەر ءۇيىن 100 تەننيس وينايتىن ۇستەل مەن جابدىقتارىمەن قامتاماسىز ەتەدى. ءبىر اي كولەمىندە بارلىق بالالار ۇيلەرىنە تەننيس ۇستەلدەرى ورناتىلىپ, بولاشاقتا بالالار ءۇيىنىڭ تاربيەلەنۋشىلەرى وليمپيادالىق سپورت تۇرىنە ەنەتىن ۇستەل تەننيسىندە جاتتىعۋعا جاقسى مۇمكىندىك الماق.
ءتۋرنيردىڭ العاشقى ىرىكتەۋ ويىندارى 5 شىلدەدە الماتىداعى قازاقستان ۇستەل تەننيسى فەدەراتسياسىندا باستالادى. جوبا تالىمگەرى رەتىندە قازاقستاندىق تانىمال اكتەر, ستسەناريست ەردەن تەلەمىسوۆ قاتىسادى.
تۋرنير 7-10 جانە 11-15 جاستاعى وقۋشىلار اراسىندا وتەدى. وسىناۋ تۋرنير ارقىلى اتا-اناسىز بالالار اراسىنان ۇستەل تەننيسىنىڭ تالانتتارىن تاۋىپ, اتالمىش سپورت ءتۇرىن العا جىلجىتۋ كوزدەلىپ وتىر.
«پينگ-پونگ حانشايىمى» ۇستەل تەننيسىنىڭ ايماقتىق ويىندارى قازاقستاننىڭ تۇكپىر-تۇكپىرىندە 05-28 شىلدە ارالىعىندا وتەدى. ءتۋرنيردىڭ فينالدىق ويىندارى الماتى قالاسىندا 22-24 تامىزدا مارەگە جەتەدى. 150 سپورتشىنىڭ ىشىنەن ىرىكتەلەتىن ەكى جەڭىمپاز قىتاي حالىق رەسپۋبليكاسىنىڭ ۇزدىك سپورت اكادەمياسىنا جولداما الىپ, قىتاي سپورتشىلارىنىڭ ارنايى شەبەرلىك-سىنىپتارىنان وتەدى.
ايناش ەسالي,
«ەگەمەن قازاقستان»
الماتى
