«ەگەمەنگە» ەل ەتەنە

جىلدىڭ قوڭىر كۇزى بۇ­قارالىق اقپارات قۇرالدا­رى ءۇشىن ءاردايىم اسا ءبىر ما­ڭىزدى شاق. ەكى ايدان استام ۋاقىتقا جالعاساتىن باس­پا­سوزگە جازىلۋ ناۋقانى قى­زا­دى. تالاپ-تال­عا­مى بيىك وقىر­­مان قاۋىمنىڭ قاي با­سى­لىمدى كوڭىلى قالاي­تىن­دىعى, ءسۇيىپ وقيتىندىعى انىق باي­قا­لا­تىن سىن. بۇل رەتتە تاۋەل­سىزدىگىمىز بەن رۋحاني ازاتتى­عى­مىزدى مەملەكەتتىك ماقسات-مۇددەمەن تۇ­تاس­تى­رىپ, ءور­كە­نيەتتىك ورىنە ۇم­تىل­دىرىپ كەلە جاتقان ەلى­مىزدىڭ باس گازەتى «ەگەمەن قا­زاقستاننىڭ» ور­نى بولەك ەكەن­دىگى بەلگىلى. سوڭ­عى ون ءبىر جىل ىشىندە وقىرمان قا­تارىنىڭ 38 مىڭنان 170 مىڭ­عا دەيىن جەتۋى سونىڭ ناقتى اي­عاعى دەۋگە بولسا, سولاردىڭ قا­لىڭ ءبىر بولىگى قاراعان­دى­لىق­تار. ءححى عاسىر باسىنداعى 3 مىڭنان قازىر 12 مىڭ 500-گە ءوسىپ, جەرگىلىكتى جۇرتشىلىقتى باۋراي ءتۇسىپ كەلەدى. جىلداعى قالىپتاسقان ءۇر­دىسكە وراي «ەگەمەن قازاق­ستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆ وڭىرلەردەگى كەزدەسۋدى كەشە قاراعان­دىدان باس­تادى. باسىلىم باس­شىسى ال­دىمەن وبلىس اكىمى سەرىك اح­مەتوۆتىڭ قابىل­داۋ­ىن­دا بول­دى. اڭگىمە بارىسىندا اي­ماقتىڭ الەۋمەتتىك-ەكونو­مي­كالىق جاعدايى مەيمانعا جان-جاقتى تانىستىرىلدى. سەرىك نىعمەت ۇلى اتاپ ءوت­كەندەي, ءون­دى­رىستى ءوڭىر دامۋى­نىڭ جاڭا كەزەڭىندە ەلباسى العا قويعان مىندەتتەر مەن تاپسىرمالارعا سايكەس جۇزەگە اسىرىلىپ جات­قان ءىس-شارالار اۋقىمى كەڭ. سونىڭ ىشىندە يندۋستريالىق-يننوۆاتسيالىق دامۋ باعدار­لاماسى اياسىندا بەلگىلەنگەن جو­بالاردىڭ 9-ى ءبىرىنشى جار­تى­جىلدىقتا ىسكە قوسىلدى. جىل اياعىنا دەيىن تاعى 15-ءى ءون­دىرىسكە جولداما الماقشى. مۇنىڭ ءوزى 2000-عا تارتا جۇ­مىس ورنىن قۇرۋعا مۇمكىندىك بەرەدى. سونداي-اق الەۋمەتتىك سالاداعى وركەندى وزگەرىستەر مەن مادەني ءومىر­دەگى جاڭارۋ­لار دا نازاردان تىس قالعان جوق. سەرىك احمەتوۆ ءسوز وراي­ىن­دا وبلىستا «ەگەمەن قازاق­ستان» گازەتىنىڭ وقىرماندارى جىلدان-جىلعا ۇلعايىپ كەلە جاتقاندىعىن ايتىپ, الداعى جىلى 13 مىڭعا تولىعا تۇسە­تىن­دىگىنە سەنىم ءبىلدىردى. «ەلىمىز باس باسىلىمىنىڭ ەلدىك ور­تاق ماقسات-مۇراتقا ۇيىس­تى­رۋ­داعى ساليقالى ءۇنى, پارا­سات­تى پايىمى جۇرت جۇرەگىنە ۇيا­لا­عان. وقىرماندار «ەگەمەندى» سىرلاس, اقىلشى تۇ­تىپ, ءوز­دە­رىنىڭ باعىت-باعدارى سانايدى. ول قاراعاندى­لىق­تار­عا دا ەتەنە جاقىن. سون­دىق­تان اعا گازەتتىڭ تارالىمى ۇلعايۋىن قا­لايمىز», – دەدى ءوڭىر باس­شى­سى. ساۋىتبەك ابدراحمانوۆ اي­­ماقتىڭ تىنىس-تىرشىلىگى تۋ­را­لى كەڭىنەن باياندالعان اڭگى­مە­گە ري­زاشىلىق ءبىلدىردى. ءوز تا­راپىنان باسىلىم ءمار­تە­بەسىن كوتەرە ءتۇسۋ, وقىر­مان قاۋىم­نىڭ بيىك تال­عامىنان كورىنۋ باعى­تىنداعى رەداكتسيا ۇجى­مى­نىڭ شى­عار­ما­شىلىق ىزدەنىسىن بايان ەتتى. وبلىس اكىمىمەن ءاڭ­گى­مەدەن سوڭ گازەت باس­شى­سى جەرگىلىكتى اقپارات قۇ­رال­دارىنا سۇحبات بەر­دى. وندا مۇنداي كەز­دە­سۋ­لەردىڭ وڭىرلەردەگى جاعداي تۋ­را­لى كەڭىنەن مالىمەت الۋعا, سو­نىمەن بىرگە باس­پاسوزگە جا­زىلۋ بارىسىن تال­قى­لاۋ­عا اسە­­رى زور ەكەنى ايتىلدى. ساۋىتبەك ابدراحمانوۆ­تىڭ ايماققا جۇمىس ساپارى وب­لىستىق «ورتالىق قازاق­ستان» گازەتىنىڭ 80 جىلدىق مەرەيتويىمەن تۇس­پا-تۇس كەلدى. وسى ايتۋلى وقي­عاعا باي­لانىستى ءوڭىر باسشىسى مەن مەيمان ساكەن سەيفۋللين اتىنداعى وبلىستىق قازاق دراما تەاترى عيماراتىندا ءوت­كەن سالتاناتتى جيىنعا كەلىپ قا­تىس­تى. مەرەيتويدا وب­لىس اكى­مى رەداكتسيا جۋرناليستەرىن مەرەيلى مەرەكەلەرىمەن قۇتتىق­تاپ, قالامگەر­لەر­دىڭ ءبىر توبىنا اقشالاي سىي­لىقتار تابىس ەتتى, ۇجىمعا تەمىر تۇلپاردىڭ كىلتىن تاپ­سىردى.  «ەگەمەن قازاقستان» گازەتىنىڭ باسشىسى ءوز كەزەگىندەگى قۇتتىقتاۋ سوزدە ءوڭىر ءومىرى ايناسىنىڭ ەلىمىزدەگى بەدەلدى, داڭقتى داستۇرلەرى بار باسىلىم تۇرعىسىندا تا­نى­لىپ وتىرعاندىعىن ايتىپ, جەرگىلىكتى ارىپتەستەر ەڭبە­گىنە شىعارماشىلىق تابىس تىلەدى. باسىلىمدى ون بەس جىل­دان بەرى جەمىستى باسقا­رىپ كەلە جاتقان  ماعاۋيا سەم­بايعا «قازاقستاننىڭ قۇر­­مەت­تى ءجۋرناليسى» اتاعى­نىڭ ءتوس­بەلگىسى تاعىلدى. جيىندا جۋرناليستەر ەڭ­بەگى جونىندە جاقسى لەبىزدەر كوپ ايتىلدى. سولاردىڭ ىشىندەگى ءنارلى ءسوزدىڭ ءبىرى – گازەت ارداگەرى نۇرماحان وراز­بە­كوۆتىڭ: «جۋرناليست – ەڭ جاۋاپتى ماماندىق. ويتكەنى, جۋرناليست قوعام ءۇشىن جاۋاپ بەرەدى», دەگەن ءسوزى. راسىندا دا سولاي. ايقىن نەسىپباي, قاراعاندى.