جيىرمادان استام ءتۋريستىڭ اراسىنداعى عارىشكەر بۇل جولعى ساپارىنىڭ دا قىزىقتى ءارى اسەرلى بولاتىنىنا سەنىمدى.
«ەكسپو – وتە قىزىقتى شارا, وعان كوپتەگەن تۋريست كەلۋگە ءتيىس دەپ ويلايمىن. كورمە ادەمى جەردە ورنالاسقان, ءبارىن جاقسى قارسى الاتىنىنا سەنىمدىمىن. مەن استانا مەن بايقوڭىردا بىرنەشە رەت بولدىم. بىراق ۇشۋعا دايىندىقتان ءوتىپ جاتقاندىقتان, ەلىڭىزدىڭ باسقا جەرلەرىنە بارۋعا مۇمكىندىگىم بولمادى. بۇل جولى كەرەمەت اسەر الاتىن ءتۇرىم بار. بايقوڭىر – ادامزاتتىڭ عارىشتى يگەرۋ تاريحى باستالعان وتە ماڭىزدى ورىن, ءالى كۇنگە دەيىن پايدالانىلىپ ءجۇر. مەن يۋري گاگاريننىڭ ىزىمەن وسى جەردەن ەكى رەت عارىشقا ۇشقانمىن. بۇل – ادامزاتتىڭ ارمانى اقيقاتقا اينالاتىن كيەلى جەر. قازاقستاننىڭ بولاشاعى زور, مۇنى ءبىز استاناعا قاراپ ايتا الامىز. الەمدە تالاي داعدارىس بولىپ جاتقان كەزدە دە تۇراقتىلىعىن ساقتاپ تۇر. قازاقستان مەن نيدەرلاند اراسىندا تىعىز قارىم-قاتىناس ورناعان, وسى ارىپتەستىگىمىز, اسىرەسە, عارىش سالاسىندا جالعاساتىنىنا سەنەمىن», دەيدى اندرە كاۋپەرس.
