سۋديالار ات اۋىستىردى, ارداگەرىن ارداقتادى

قازاقستان پرەزيدەنتىنىڭ ۇستىمىزدەگى جىلعى 26 قىركۇيەكتەگى جارلىعىمەن قوستاناي وبلىسىنىڭ جەرگىلىكتى  سوتتارىنا جاڭا توراعالار مەن سۋديالار تاعايىن­دال­دى. الدىمەن قوستاناي قالالىق سوتىنىڭ توراعالى­عى­نا سامالبەك مۇحتاروۆ بەكىتىلدى. ول بۇرىن اقمولا وب­لىسىنداعى بۋراباي اۋداندىق سوتىنىڭ  توراعاسى بولىپ  قىزمەت ىستەگەن بولاتىن. ال وسىعان دەيىن قوستاناي قا­لا­لىق سوتىن باسقارعان اسىلبەك جۇماعۇلوۆ مامانداندى­رىل­عان اۋدانارالىق قىلمىستىق ىستەر جونىندەگى سوتتىڭ  توراعاسى بولىپ تاعايىندالدى, اتالعان سوتتىڭ  بۇرىنعى  توراعاسى ءوز قالاۋىمەن  وسى سوتتىڭ سۋدياسى قىزمەتىنە  اۋىستى. دەنيسوۆ اۋداندىق سوتىن باسقارىپ كەلگەن باق­تى­باي يسمۇحامبەتوۆ ەندى قاراسۋ اۋداندىق سوتىنىڭ ءتىز­گىنىن ۇستادى. وسى  سوتتىڭ بۇرىنعى توراعاسى التاي ەر­عا­ليەۆ قوستاناي قالالىق سوتىنىڭ  سۋدياسى بولىپ تاعايىندالدى. قوستاناي وبلىستىق سوتىنىڭ پلەنارلىق ماجىلىسىندە وبلىستىق سوت توراعاسى باعلان ماقۇلبەكوۆ  جەرگىلىكتى سوت­تارداعى وسى اۋىس-تۇيىستەردى ايتىپ, جاڭا  توراعا­لار­دى تانىستىردى. سونىمەن قاتار, جينالعاندار  قوستاناي وبلىستىق سوتىنىڭ سۋدياسى الەكسەي كوبتسەۆتى قۇرمەتتى دەمالىسقا شىعارىپ سالدى.  ول قوس­تا­ناي وبلىستىق سوتىندا 38 جىل قىزمەت ەتتى, سونىڭ  ىشىندە 16 جىل وبلىستىق سوتتىڭ توراعاسى لاۋازىمى قىزمەتىن اتقارعان. بىلىكتى سۋديا جانە شەبەر ۇيىمداستىرۋشى كوبتسەۆتى  قوستاناي وبلىسىنداعى سوتتاردا قىزمەت ىستەيتىن  سۋديالار وزىنە ۇستاز تۇتادى. ارداگەر ارىپتەستەرىنىڭ  قۇرمەتىنە راحمەت ايتا وتىرىپ, مەيىرمان قازاق جەرىندە  سۋديا بولىپ قالىپ­تاس­قانىن ماقتان تۇتىپ, وزىنە تاپسىرىلعان  حالىق پەن پرەزيدەنت سەنىمىن اقتاي بىلگەنىن قاناعات ەتەتىنىن جەتكىزدى. ءنازيرا جارىمبەتوۆا. قوستاناي.