كەڭەستە اۋىل شارۋاشىلىعى ۆيتسە-ءمينيسترى ە.نىسانباەۆ ەسەپ بەردى. ۆيتسە-ءمينيستردىڭ مالىمەتىنە سايكەس, بۇگىندە 1997 جىلدان باستاپ وتىرعىزىلعان ورمان القابىنىڭ كولەمى 80 مىڭعا جۋىق گەكتارعا جەتتى.
ە.نىسانباەۆ وتىرعىزىلعان كوشەتتەردىڭ جاعدايىنا ۇدايى مونيتورينگ جاساپ, رەسپۋبليكامىزدىڭ كاسىبي ۇيىمدارىنىڭ قاتىسۋىمەن عىلىمي زەرتتەۋ جۇمىستارىن جۇرگىزۋ استانا قالاسى ماڭىندا «جاسىل جەلەكتى» قالىپتاستىرۋدى قامتاماسىز ەتەتىن نەگىزگى شارا بولىپ سانالاتىنىن ايتتى.
كەڭەسكە پرەزيدەنت اكىمشىلىگىنىڭ باسشىسى ءا.جاقسىبەكوۆ, استانا قالاسىنىڭ اكىمى ءا.يسەكەشەۆ, اقمولا وبلىسىنىڭ اكىمى م.مىرزالين, پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى ا.مىرزاحمەتوۆ تا قاتىستى.
***
جاسىل ايماقتى قالىپتاستىرۋ تۋريزم مەن رەكرەاتسيانى دامىتۋعا سەپتىگىن تيگىزەدى. بۇگىندە مادەني-ساۋىقتىرۋ جانە رەكرەاتسيالىق ماقساتپەن ۇزاقمەرزىمدى ورمان يگىلىگىن پايدالانۋعا «جاسىل ايماق» رەسپۋبليكالىق مەملەكەتتىك كاسىپورنىنىڭ مەملەكەتتىك ورمان قورى اۋماعىنان 10 ورمان پايدالانۋشىعا ۋچاسكىلەر بەرىلگەن.
سونداي-اق, استانا قالاسىنىڭ شەتىندە ەلوردا تۇرعىندارى مەن قوناقتارىنىڭ دەمالۋى ءۇشىن قوسشى مەن يلينكا كەنتتەرى اراسىندا ۆەلوسيپەد جولى سالىندى. بۇل جاڭا تەحنولوگيالىق ستاندارتتارعا ساي سالىنعان جانە ۇزىندىعى 23 شاقىرىمدى قۇرايتىن ءارى ورماندى جەردە ورنالاسقان ەل اۋماعىنداعى بىردەن-ءبىر ۆەلوسيپەد جولى سانالادى. قالا اكىمشىلىگى استانا اينالاسىنداعى ۆەلوسيپەد جولى جەلىسىن 258 شاقىرىمعا دەيىن ۇزارتۋدى جوسپارلاپ وتىر.
