پرەزيدەنت اكىمشىلىگىنىڭ جانە قالالىق ءماسليحاتتىڭ كەلىسىمىمەن مۇرات مۇقاەۆ ورال قالاسىنىڭ اكىمى بولىپ تاعايىندالدى. شاھاردى بۇعان دەيىن باسقارعان ناريمان تورەعاليەۆ جاقىندا سەنات دەپۋتاتتىعىنا سايلانعان بولاتىن.
مۇقاەۆ مۇرات راحمەت ۇلى 1969 جىلى باتىس قازاقستان وبلىسىندا تۋعان. ەكونوميست جانە زاڭگەر ماماندىعى بويىنشا ەكى جوعارعى ءبىلىمى بار. ەڭبەك جولىن 1992 جىلى سالىق ينسپەكتورى بولىپ باستاعان. 1994-1997 جىلدارى بانك سالاسىندا قىزمەت اتقاردى. 1997-2011 جىلدارى باتىس قازاقستان جانە شىعىس قازاقستان وبلىستارى بويىنشا كەدەن سالاسىندا قىزمەت اتقارعان.
2011-2013 جىلدارى ورال قالاسى كاسىپكەرلىك ءبولىمىنىڭ باسشىسى, 2013-2016 جىلدارى باتىس قازاقستان وبلىسىنداعى جانىبەك اۋدانىنىڭ اكىمى, 2016 جىلدىڭ مامىر ايىنان باستاپ بۇگىنگە دەيىن تەرەكتى اۋدانىنىڭ اكىمى بولدى.
ورال
