مەملەكەت باسشىسى «كەلەشەكتە مۇعالىم ماماندىعى ەرەكشە سۇرانىسقا يە بولىپ, ەڭبەكاقىسى جوعارى بولماق» دەسە, بيىل سول ءسوز ورىندالدى دەۋگە نەگىز بار. ۇستىمىزدەگى جىلعى شىلدەدە مۇعالىمدەردىڭ ەڭبەكاقىسى 30 پايىزعا وسسە, 1 قىركۇيەكتەن جوعارى كاتەگوريالارى بار مۇعالىمدەر ءۇشىن لاۋازىمدىق جالاقىسىنا 100 پايىز كولەمىندە ۇستەمە قوسىلدى. وعان 5,3 ميلليارد تەڭگە بولىنگەنى ءمالىم. وسى جىلعى جاڭا وقۋ جىلىندا مەكتەپ تابالدىرىعىن 2,5 ميلليوننان استام وقۋشى اتتاسا, ولارعا قازىر 279 400 مۇعالىم ساباق بەرەدى. ولاردىڭ 120 مىڭى بيىل قايتا دايىندىقتان وتكەن. ۇلت رۋحانياتىنىڭ جاناشىرى, تولقىن-تولقىن ۇرپاققا ءبىلىم بەرىپ, تاربيە ۇيرەتىپ جۇرگەن ۇستازدارىمىزدى ايتۋلى مەرەكەسىمەن قۇتتىقتاپ, بۇگىن ولار تۋرالى توپتاما ماقالالاردى ۇسىنىپ وتىرمىز.
----------------------------------------------
جاقسىلىق
ۇشكەمپىروۆ,
وليمپيادا چەمپيونى:
– كەلە جاتقان ۇستازدار كۇنى بارىمىزگە ورتاق. ءبارىمىز ۇلاعاتتى ۇستازدارىمىز ارقىلى ازامات بولدىق, التى الاشتىڭ اتىن بۇكىل دۇنيە جۇزىنە تانىتتىق.
ءاسانالى
ءاشىموۆ,
قازاقستاننىڭ
حالىق ءارتىسى:
– مەن 1944 جىلى 1-سىنىپقا باردىم. الاش دەگەن اپايىم بولدى. تاماشا كىسى ەدى... ال مەكتەپ باسشىسىنىڭ تەمىردەي ءتارتىبى ءبىزدى سالماقتىلىققا, ءتارتىپ پەن ادەپكە ۇيرەتتى. مىنە, سول ەكى ادامعا ومىرباقي قارىزدارمىن.
ەرماحان ىبىرايىموۆ,
وليمپيادا چەمپيونى:
– ءبىز بالالىق شاعىمىزدان ۇستازداردىڭ تاربيەسىندە بولدىق. مەن مەكتەپ-ينتەرناتتا ءوستىم, سوندىقتان, ۇستاز – مەن ءۇشىن ءبىرىنشىدەن, ءتاربيەشىم, ومىرلىك جولعا باعىتتاعان ادام. مەنى بوكسقا ەڭ العاش الىپ كەلگەن دە ۇستازىم ەدى.
__________________________
كاسىبي مەرەكەنىڭ مەرەيىن ءوسىردى
«بولاشاقتىڭ باسشىسىن دا, داناسىن دا, عالىمىن دا ۇستاز ءوسىرەدى. ومىرگە ۇرپاق بەرگەن انالاردى قالاي ارداقتاساق, سول ۇرپاقتى تاربيەلەيتىن ۇستازداردى دا سولاي ارداقتاۋعا مىندەتتىمىز”, دەگەن باۋىرجان مومىش ۇلىنىڭ قاناتتى ءسوزى مۇعالىم مەرەيىن ءوسىرىپ, ابىرويىن ارتتىرارى انىق. سول ابزال جانداردىڭ بيىلعى مەرەكەسىنە ارنالعان القالى جيىن ەلوردادا ءوتتى. وعان ەلىمىزدىڭ بارلىق ايماعىنان 300-دەن اسا ۇستاز قاتىستى. وندا ءبىلىم جانە عىلىم ءمينيسترى باقىتجان جۇماعۇلوۆ ەلباسى نۇرسۇلتان نازارباەۆتىڭ ارنايى قۇتتىقتاۋىن وقىپ بەردى. وندا «قازىرگى زاماندا ءبىلىم دەڭگەيى جوعارى ۇلت قانا جاھاندانۋ تالاپتارىنا جاۋاپ بەرە الادى. سوندىقتان ءبىلىم سالاسى – ەلدىڭ ەرتەڭىن ايقىندايتىن, ونىڭ ءباسەكەلەستىك قابىلەتىنە ىقپال ەتەتىن اسا ماڭىزى سالا. بيىل ەلىمىز ءوز تاۋەلسىزدىگىنىڭ 20 جىلدىعىن اتاپ وتەدى. ءبىز وسى جىلداردا زامان تالابىنا ساي ءبىلىم بەرۋدىڭ جاڭا جۇيەسىن قۇردىق» دەلىنگەن. ال مينيستر بۇل شىن ءمانىندە بارشا حالىققا ورتاق مەرەكە ەكەنىن ايتىپ, تاۋەلسىزدىكتىڭ 20 جىلدىعىندا ۇستاز ەڭبەگىن ەرەكشە باعالاپ, اتاپ ءوتۋدى زاڭدىلىق دەپ بىلەمىن. ەگەمەندىكتىڭ العاشقى جىلدارى وتە قيىن كەزەڭ بولاتىن. ۇلت كوشباسشىسى – تۇڭعىش پرەزيدەنتىمىز ن.ءا.نازارباەۆتىڭ باسشىلىعىمەن ەلىمىز اياعىنان تىك تۇرىپ, قارقىندى دامۋ جولىنا ءتۇستى, دەي كەلىپ, ەلباسىنىڭ «كەز كەلگەن اۋىلدا مۇعالىم ەڭ قۇرمەتتى, ەڭ زيالى ادام بولعان. ءبىز ۇستازدىڭ وسى مارتەبەسىن كوتەرەتىن بولامىز. مەن مۇعالىمدەرىمىزدىڭ لايىقتى ءومىر سۇرگەنىن قالايمىن» دەگەن ءسوزىن دايەككە كەلتىردى. سونىمەن بىرگە, مۇعالىم ءوتكەن مەن بۇگىندى جالعايتىن التىن ارقاۋ, كەلەشەككە ءجون سىلتەيتىن شامشىراق ەكەنىن تىلگە تيەك ەتىپ, ولاردىڭ الاڭسىز شىعارماشىلىقپەن اينالىسۋىنا, ەڭبەك ەتۋىنە مەملەكەت بارلىق جاعدايدى جاساپ وتىرعانىن العا تارتتى. ءبىلىم بەرۋدى دامىتۋدىڭ جاڭا مەملەكەتتىك باعدارلاماسىندا پەداگوگ مارتەبەسىن كوتەرۋگە ارنالعان ارنايى ءبولىمنىڭ بار ەكەنىن نازارعا سالدى. جيىن سوڭىندا ءبىلىم-بىلىگىمەن كوزگە تۇسكەن, ۇرپاق تاربيەسىندەگى ەڭبەگى ەسكەرىلگەن ءبىر توپ ۇستازدارعا «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى», «ى.التىنسارين» توسبەلگىلەرى جانە مينيسترلىكتىڭ قۇرمەت گراموتالارى تاپسىرىلدى. ولاردىڭ قاتارىندا قىزىلوردا وبلىسىنان كەلگەن ل.ميكەەۆا, شىعىس قازاقستان وبلىسىنان ب.نۇريەۆا, الماتى وبلىسىنان ب.ءادىلوۆ, الماتىلىق يۋ.دوۆگال, پاۆلودار وبلىسىنان د.تايگۋلين, اقمولا وبلىسىنان ءا.تاكەتوۆ جانە تاعى باسقالار بار. ولار سوڭعى ءبىر جىل ىشىندە ءپان مۇعالىمدەرىنىڭ, ۇستازداردىڭ باسقوسۋلارى ءجيى ءوتىپ جاتقانىن, بۇل ءوزدەرىنە جاسالعان زور قامقورلىق ەكەنىن ايتىپ, ءدان ريزالىقتارىن ءبىلدىرىپ تاراستى. سۇلەيمەن مامەت.
