ۇلتتىق ناقىشتاعى اەف (فوتو)

بءىلەزىك, قۇداعي جۇزىك, وڭىرجيەك, تورسىق... قازاقتىڭ ۇلتتىق بۇيىمدارىنىڭ ۇلكەيتىلگەن فورماسى ادەمى ۇيلەسىم تاپقان. ءتىپتى, ۇلكەن ەكرانداردىڭ جيەكتەمەلەرىنىڭ ءوزى قانداي كەرەمەت؟

وسى فورۋمعا كىرۋگە مۇمكىندىك بەرەتىن بەيدجدەر قولىمىزعا تيگەننەن-اق ءسۇيسىنىپ ەدىك. ء«بىر جاپىراق» قاعازدىڭ ءوزى ۇلتتىق ويۋمەن بەزەندىرىلگەن. ءوزىمىز عانا ەمەس, 3 مىڭعا جۋىق شەت ەل دەلەگاتى قاتىساتىن اۋقىمدى حالىقارالىق شارانىڭ ۇلتتىق ناقىشقا ايرىقشا ءمان بەرگەنىنە قۋاندىق.

وسىلايشا ۇيىمداستىرۋشىلار وتاندىق كومپانيالاردىڭ كومەگىمەن ونىنىشى استانا ەكونوميكالىق فورۋمىن ۇلتتىق ناقىشتا بەزەندىرگەن ەكەن.

Tet-a-tet الاڭدارىنداعى, حوللداعى وتىراتىن ديۆانداردىڭ ءبارى ۇلتتىق ناقىشتاعى جابىندارمەن جابىلعان.  بىرنەشە زالدا تانىمال سۋرەتشىلەردىڭ ەتنو, تاريحي تاقىرىپتارداعى كارتينالارى دا ءىلىنىپتى.

ارينە, بارەكەلدى دەگەننەن باسقا ايتارىمىز جوق. ەلىمىزدە وتەتەتىن حالىقارالىق شارالاردىڭ ءبارى وسىدان ۇلگى السا دەگەن نيەتتەمىز. «تەاتر كيىم ىلگىشتەن باستالادى» دەمەكشى, ءار نارسە كىشكەنتاي دۇنيەدەن باستالادى. قازاقتى تانىتۋ, قازاقتى مويىنداتۋ الدىمەن ۇلتتىق بولمىسىمىزدى دارىپتەۋمەن قۇندى.  

ادەتتە فورۋمعا جينالعان شەتەلدىكتەردىڭ ۋاقىتى تىعىز بولادى. قالا ارالاۋعا, مۇزەيلەرگە بارۋعا ۋاقىت تاپپايدى. 2 كۇندىك وسىنداي شارانىڭ ارقاسىندا قوناقتار قازاقتىڭ داستۇرىمەن, قولونەرىمەن تانىسۋعا مۇمكىندىك الۋدا.

دينارا بىتىكوۆا,

«ەگەمەن قازاقستان».

سۋرەتتەردى تۇسىرگەن ەرلان وماروۆ,

"ەگەمەن قازاقستان"