شاراعا قاتىسقان ايماق باسشىسى ۇلكەن ومىرگە اياق باسىپ وتىرعان تۇلەكتەرگە اق جول تىلەدى:
"11 جىل بويى ايانباي ەتىلگەن ەڭبەكتىڭ, ۇستازدار مەن اتا-انالاردىڭ تاربيەسىنىڭ ارقاسىندا جۇزدەن جۇيرىك, مىڭنان تۇلپار اتاندىڭىزدار. بۇگىن سىزدەردى ۇلكەن ءومىر جولىنا شىعارىپ سالعالى وتىرمىز. اق جول تىلەيمىن! ەلباسىنىڭ جولداۋىندا, ستراتەگيالىق قۇجاتتاردا كورسەتىلگەن قازاقستاننىڭ دامۋ باعىتىنا ۇلەس قوساتىن جاس ۇرپاق -سىزدەرسىزدەر", – دەدى نۇرلان نوعاەۆ.
وبلىس əكىمى ءبىلىم بەرۋ جولىندا تەر توگىپ كەلە جاتقان ۇستازدار مەن اتا-انالاردىڭ ەڭبەگىن تىلگە تيەك ەتىپ, العىس ايتتى.
بيىل وڭىردە 4516 وقۋشى مەكتەپ ءبىتىردى. اتىراۋ وبلىسى اكىمى ءباسپاسوز قىزمەتىنىڭ حابارلاۋىنشا, وقۋشىلاردىڭ الاڭسىز ءبىلىم الۋى ءۇشىن وبلىستا 817 ينەرتاكتيۆتىك تاقتا, 111 مۋلتيمەديالىق كابينەت, 89 ينفورماتيكا كابينەتى الىنىپ جاتىر. بۇعان جەرگىلىك بيۋدجەتتەن 1 ميليارد تەڭگەدەن استام قاراجات بولىنگەن. سونىمەن قاتار, بيىل ايماقتا 14 مەكتەپ پەن 11 بالاباقشانىڭ قۇرىلىسى باستالعان.
باقىتگۇل باباش,
"ەگەمەن قازاقستان".
اتىراۋ.
