مەكتەپ جانىنداعى لاگەرلەردەن بولەك, جەرگىلىكتى «اراي», «جاس ورەن», «بەسىكتى», جەلەزنوۆود قالاسىنداعى «قازاقستان گەولوگى» لاگەرلەرى وقۋشىلاردى قابىلدايدى. كوپ بالالى, الەۋمەتتىك جاعدايى تومەن وتباسىلاردىڭ بالالارى مەن ۇزدىك وقۋشىلار «ماشات-اراسان», «بوبەك», «بالداۋرەن» دەمالىس ورىندارىنا بارادى. ال اتا-انا قامقورلىعىنسىز قالعان 40 بالا دەمەۋشىلەر قاراجاتىمەن يتالياعا ساياحاتتايدى.
«جازعى دەمالىستاعى ءىس-شارالارمەن وقۋشىلاردىڭ 98 پايىزى قامتىلادى», دەيدى وبلىستىق ءبىلىم بەرۋ باسقارماسىنىڭ باسشىسى نۇرساۋلە سايلاۋوۆا. – بيىل مەكتەپ جانىنداعى لاگەرلەردە وقۋشىلاردىڭ اعىلشىن ءتىلىن تەرەڭ مەڭگەرۋىنە ءمان بەرىلەدى. بۇل جۇمىستارعا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ جانە ق.دۇتباەۆا اتىنداعى اتىراۋ پەداگوگيكالىق كوللەدجىنىڭ ستۋدەنتتەرى تارتىلىپ وتىر». ال استانادا وتەتىن حالىقارالىق ەكسپو-2017 كورمەسىنە اتىراۋ وبلىسىنان 11 500 وقۋشى, 1500 ستۋدەنت جانە 2000 مۇعالىم بارىپ, ماڭىزدى شارانى تەگىن تاماشالايدى.
باقىتگۇل باباش,
«ەگەمەن قازاقستان»
اتىراۋ
