– وليمپيادانىڭ بىلتىرعى جارىستان بىرنەشە ەرەكشەلىگى, جارىسقا قاتىسۋشى ورتا مەكتەپتەر سانى بىلتىرعىعا قاراعاندا كوپ. دەسە دە, زياتكەرلىك مەكتەپتەن قاتىسۋشىلار باسىم. سونىمەن قاتار, بيىلعى جارىس كاتەگوريالارىنا «ەركىن كاتەگوريا» قوسىلدى. اتالعان كاتەگوريا ورتا مەكتەپتەگى, ورتالىقتارداعى وقۋشىلاردىڭ روبوتتى تەحنيكاعا قىزىعۋشىلىعىن وياتۋ ماقساتىندا ەنگىزىلىپ وتىر, – دەيدى وليمپيادانىڭ باس تورەشىسى القۋات قازيەۆ.
روبوتتى تەحنيكا بايقاۋى World Robot Olympiad (WRO) ۇيىمىنىڭ باستاماسىمەن 2004 جىلدان باستاپ ۇيىمداستىرىلادى. ۇيىمنىڭ قازاقستانداعى ۇلتتىق وپەراتورى – «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى. ايماقتىق وليمپيادادا نەگىزگى, شىعارماشىلىق جانە فۋتبول كاتەگوريالارىندا ءى ورىنعا يە بولعان وقۋشىلار ەكسپو-2017 كورمەسىندە رەسپۋبليكالىق WRO-وليمپياداسىندا باق سىنايدى. بۇل جەردە جەڭىسكە جەتكەن كوماندا ۇلتتىق قۇراماعا ءىلىنىپ, دۇنيەجۇزىلىك روبوت وليمپياداسىنا قاتىسادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
