بۇل شارا ورتالىق سايلاۋ كوميسسياسىنىڭ «2017 جىلعى 28 ماۋسىمعا تاعايىندالعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋعا حالىقارالىق ۇيىم مەن شەت مەملەكەتتەردىڭ بايقاۋشىلارىن اككرەديتتەۋ تۋرالى» قاۋلىسىنىڭ نەگىزىندە جۇزەگە اسىرىلدى.
اتالعان قاۋلىعا سايكەس, ورتالىق سايلاۋ كوميسسياسى قازاقستان رەسپۋبليكاسى سىرتقى ىستەر مينيسترلىگىنىڭ ۇسىنۋى بويىنشا تمد-دان بايقاۋشىلار ميسسياسىنىڭ قۇرامىندا 40 بايقاۋشىنى, شەت مەملەكەتتەردەن 14 بايقاۋشىنى اككرەديتتەدى. سونىمەن قاتار, سىرتقى ىستەر مينيسترلىگى 2017 جىلعى 1 ماۋسىمداعى جاعداي بويىنشا 15 مەملەكەتتەن, سونداي-اق, سايلاۋدى بايقاۋعا قاتىسا الاتىن شەتەلدىك باق-تاردىڭ 116 وكىلىن اككرەديتتەدى.
شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى ورتسايلاۋكوم 2017 جىلعى 22 ماۋسىمعا دەيىن جالعاستىرىپ, جۇزەگە اسىرادى. وسى ماسەلەلەر جونىندە ايتقان سوزىندە ورتسايلاۋكوم مۇشەسى م.سارسەمباەۆ سايلاۋدىڭ جاناما بولعانىنا قاراماستان, سايلاۋ ناۋقانىنا دەگەن قىزىعۋشىلىقتىڭ جوعارى ەكەنىن اتاپ كورسەتتى. اككرەديتتەۋ پروتسەسى جالعاسىپ جاتىر.
«ەگەمەن-اقپارات»
