كەزدەسۋ بارىسىندا مەملەكەت باسشىسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى اياسىندا قازاقستاندا ەكونوميكانىڭ جاڭا مودەلىن ەنگىزۋ ماسەلەلەرى ورتاق اڭگىمەگە نەگىز بولدى. تاراپتار ەكونوميكانى ىرىقتاندىرۋ, بيزنەس پەن اگرارلىق سەكتوردى دامىتۋ, ەڭبەك ونىمدىلىگىن ارتتىرۋ, ءار جوبانىڭ ەكونوميكالىق تيىمدىلىگى تۇرعىسىنان ءبىلىم بەرۋ جانە دەنساۋلىق ساقتاۋ سالالارىن جەتىلدىرۋ بويىنشا بىرلەسكەن جوبالاردى ىسكە اسىرۋ بارىسىن تالقىلادى.
سونداي-اق, ب.ساعىنتاەۆ پەن س.ميۋللەر 2018 جىلعا جوسپارلانعان ينفراقۇرىلىمدىق جوبالاردى جانە 2020-2022 جىلدارعا ارنالعان ىنتىماقتاستىق جوسپارلارىن تالقىلادى.
اڭگىمە بارىسىندا ەلىمىزدىڭ ترانزيتتىك الەۋەتى ماسەلەسىنە ەرەكشە ماڭىز بەرىلدى. س. ميۋللەر قازاقستاننىڭ گەوگرافيالىق ورنالاسقان جەرىنىڭ ءتيىمدى ەكەنىنە نازار اۋدارا وتىرىپ, ەلىمىزدىڭ ترانزيتتىك وتكىزۋ قابىلەتىن ارتتىرۋ قىزمەت كورسەتۋ سالاسىنا, قازاقستاندىق تاۋارلاردى وتكىزۋگە جانە جاڭا جۇمىس ورىندارىنىڭ اشىلۋىنا سەپتىگىن تيگىزەتىنىن اتاپ ءوتتى.
