كورمە اياسىندا كونتسەرتتىك باعدارلامالار, قولدانبالى قولونەر, كيىز ۇيلەر كورمەسى, تەاتر قويىلىمدارى, جىر كەشى, ەسەنعالي راۋشانوۆتىڭ شىعارماشىلىق كەشىن وتكىزۋ جوسپارلانعان. سونداي-اق, 10-20 تامىز ارالىعىندا ەتنواۋىل اۋماعىندا ورناتىلاتىن 2 كيىز ءۇي وبلىستىق مۇراجايلار قورى ەسەبىنەن جابدىقتالىپ, تۋىندىلارىن ساتۋعا, شەبەرلىك ساباقتار وتكىزۋگە 20 قولونەر شەبەرى قاتىسادى.
اسسامبلەيا حاتشىلىعىنىڭ ۇيىمداستىرۋىمەن 120 قاتىسۋشىسى بار 15 شارا «اراي» ساياباعىندا وتسە, 7 شارا ەتنواۋىل ايماعىندا, 6 شارا «جەرۇيىق» ساياباعىندا, 6 شارا «ستۋدەنتتەر» ساياباعىندا, 6 شارا «بايتەرەك» مونۋمەنتىنىڭ الدىنداعى الاڭدا, 6 شارا قالا اكىمدىگى عيماراتى الدىنداعى الاڭدا, 2 شارا م.گوركي اتىنداعى مەملەكەتتىك اكادەميالىق ورىس دراما تەاترىندا, 1 شارا قۋىرشاق تەاترىندا, س.ادايدىڭ شىعارماشىلىق كەشى «شابىت» سارايىندا, ماڭعىستاۋدىڭ ءداستۇرلى ءان-كۇي-جىر سازدارىنىڭ كونتسەرتى كونگرەسس-حوللدا وتەدى دەپ بەلگىلەنگەن.
مادەنيەت كۇنىنە وبلىستان كوركەمونەرپازداردان, كاسىبي ۇجىمدار مەن ارتىستەردەن قۇرالعان بارلىعى 447 ادام قاتىسپاق. قازىرگى تاڭدا ونەرپازدار ءۇشىن 247 بيۋدجەت ەسەبىنەن, 36 دەمەۋشىلەر ەسەبىنەن 273 جاڭا كيىمدەر تىگىلىپ, جاڭا باعدارلامالار جاساقتالۋدا.
قازىرگى تاڭدا 31 كاسىپورىن, سونىمەن قاتار, مەكەمەلەر مەن ۇيىمدار, 5 اۋدان جانە اقتاۋ قالاسى اكىمدىكتەرىنەن 37695 ادام, ونىڭ ىشىندە 5328 بالا ەكسپو-2017 كورمەسىنە قاتىسقالى وتىر.
ماڭعىستاۋلىقتاردىڭ العاشقى لەگى ەكسپو-2017 كورمەسىنە قوناق رەتىندە اتتانىپ كەتتى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
