مۇستافا مۇراسىن زەردەلەۋ

جۋىردا ەل تاۋەلسىزدىگىنىڭ 20 جىلدىعىنا وراي استانا قالاسى اكىمدىگى مەن «قاھارمان ۇرپاق» قو­عامدىق قورى بەلگىلى الاشتانۋ­شى­لار­مەن بىرىگىپ «تاۋەلسىز قا­زاقستان جانە مۇستافا شوقاي مۇ­راسى» ات­تى عىلىمي-تاجىريبەلىك كونفەرەنتسيا وتكىزدى. ماقسات الاشتىڭ ايرىقشا تۇل­­­عا­سى مۇستافا شوقايدىڭ تاريحي ور­­­نىن جانە ونىڭ ەل دا­مۋىنا قوس­قان ۇلەسىن بايىپتاۋ. تۇركىستان اۆ­تونو­ميا­سى مەن الاش وردانىڭ ۇلت تا­ري­حىنداعى, ءتاۋ­ەل­سىزدىك باستاۋ­ىن­داعى ميس­­سياسىن الاش قايراتكەرى, قالام­گەر م.شوقاي مۇراسى ارقىلى زەردەلەۋ, ونىڭ ادامزات وركەنيەتىنە ءسىڭىر­گەن ەڭبەگىن جان-جاقتى قىرى­نان قاراستىرۋ. جيىنعا تاريحشىلار قاۋ­ىم­داس­­تىعىنىڭ پرەزيدەنتى, تاريح عى­­لىم­دا­رىنىڭ دوكتورى, پروفەسسور م. قويگەلديەۆ, پارلامەنت ءماجى­لى­سى­نىڭ دەپۋتاتى ج.سۇلەي­­مە­نوۆ, شو­قاي­تا­نۋشى ا.كاكەن, ل.ن. گۋ­­­­مي­لەۆ اتىن­داعى ەۇۋ «الاش» ءما­دەنيەت ءجا­نە رۋحاني دامۋ ينستي­تۋتىنىڭ دي­رەكتورى, فيلولوگيا عىلىمدا­رى­نىڭ دوك­تورى, پروفەسسور د.قام­زا­بەك ۇلى, «قاھارمان ۇرپاق» قو­عام­دىق قو­رى­نىڭ پرەزيدەنتى ق.ەلۋباەۆ, باي­لا­نىس جانە اقپارات مينيسترلىگى اقپا­رات جانە مۇراعات كومي­تەتىنىڭ باس ساراپ­شى­سى, ەپيس­تو­ليار­­­لىق مۇرا­تا­نۋ­شى ع.يساحان, تاعى باسقا مادە­ني­ەت­تانۋشى عا­لىمدار مەن جازۋشىلار قاتىسىپ, بايانداما جاسادى. شارا بارىسىندا «مۇستا­فا­تا­نۋ» – عىلىمنىڭ ءبىر سالاسىنا اي­نا­­­لۋى ءتيىس. وسى ۋاقىتقا دەيىن ەل قى­رۋ­ار كىتاپتار شىعاردى. وندا م.شو­­قاي­دىڭ قايشىلىققا تولى ءومى­رى تام-تۇمداپ بولسا دا ايتى­لىپ جاتىر. بىراق ءبىز وعان قا­ناعات­تان­با­ۋىمىز كەرەك. حالقىن, ەلىن وسىن­­داي بەيبىت ءومىر­گە جەتكىزۋ جو­لىندا جانىن پيدا ەتكەن الاش ار­داق­تىسىنا ءالى كۇنگە تو­لىققاندى باعا بەرىلگەن جوق», – دەگەن پىكىرلەر ايتىلدى. جيىن سو­ڭ­ىن­دا حالىق­ارا­لىق «الاش» سىي­لىعى­نىڭ يەگەرى, اقىن ق.بەگ­مانوۆتىڭ جەتەكشىلىگىمەن ءازىر­لەنگەن «مۇستافا شو­قاي­دىڭ ىزىمەن» اتتى دەرەكتى فيلم­نىڭ تۇ­ساۋى كەسىلىپ, كوپشىلىك نازارىنا ۇسىنىلدى. فيلم جەلىسىندە مۇس­­­تافا شوقايدىڭ جانازاسى شى­عا­رىل­­عان مەشىت, فرانتسياداعى قىر­­قىن­دا اسى بەرىلگەن مەشىت, پا­ريج­دىڭ شەل قالاسىنداعى ءماريام شو­قايدىڭ بەيىتى ءتۇ­گەل­دەي قام­­­­­تىل­عان. «ءبىزدىڭ وسى تۋىندىمىزعا ءما­ريام شوقايدىڭ كۇندەلىگى باس­تى قۇجات بولدى», – دەيدى اۆتور. ... الاش ارداقتىسى ءۇشىن مۇن­داي ەلەۋلى, مادەني شارا جىلىنا ءبىر مارتە بولسا دا وتكىزىلىپ تۇرسا, نۇر ۇستىنە نۇر بولار ەدى. راۋشان تاۋىرحانقىزى, جۋرناليست.