ەۋروپالىق قالپىنا كەلتىرۋ جانە دامىتۋ بانكى مەن قازاقستاندىق تاراپ اراسىندا كەزەكتى ءىرى جوبا جۇزەگە اسادى. بۇل جولى بانك جامبىل وبلىسىنداعى «بۋرنوە سولار» كۇن ەلەكتر ستانتسياسىن قارجىلاندىرىپ, ءوندىرىس قۋاتىن 50 مۆت-تان 100 مۆت-قا دەيىن ارتتىرۋعا كومەكتەسپەك.
"ەۋرازيالىق قالپىنا كەلتىرۋ جانە دامۋ بانكىمەن كرەديتتىك كەلىسىمگە قول قويۋ 15 ملرد تەڭگە مولشەرىندەگى ۇزاقمەرزىمدىك زاەمدىق قارجىلاندىرۋ مەن 10 ملن اقش دوللارى مولشەرىندەگى تازا تەحنولوگيالار قورى تاراپىنان زاەمدىق قارجىلاندىرۋ تارتۋعا مۇمكىنشىلىك بەرەدى", دەدى «سامۇرىق-قازىنا» اق اكتيۆتەردى وڭتايلاندىرۋ جونىندەگى باسقارۋشى ديرەكتورى بەرىك بەيسەنعاليەۆ.
«بۋرنوە سولار-2» جشس – قازىر تەك قازاقستانداعى عانا ەمەس, ورتا ازياداعى ءىرى كۇن ەلەكتر ستانياسى. ال بۇگىنگى كەلىسىم ونىڭ بۇكىل تمد ەلدەرى اراسىندا كوش باسىنا شىعۋعا مۇمكىندىك بەرەدى.
"قازاقستانداعى بالامالى قۋات كوزدەرىن دامىتۋ ماقساتىندا وتكەن جىلى 200 ميلليون ەۋرو بولۋگە كەلىستىك. «بۋرنوە سولار» كومپانياسىمەن جاسالعان كەلىسىم سونىڭ ءساتتى جالعاسى بولادى دەپ سەنەمىن. ال جالپى ءبىزدىڭ بانكتىڭ قازاقستان ەكونوميكاسىنا قۇيعان ينۆەستيتسياسى 1 ميللياردقا جەتتى", دەدى ەقدب ەنەرگەتيكا جانە تابيعي رەسۋرستار ءبولىمىنىڭ باسشىسى ايدا سىدىقوۆا.
جوبا اياسىنداعى ينۆەستيتسيالاردىڭ جالپى كولەمى 26 ملرد تەڭگەنى قۇرايدى. سونىمەن قاتار جوبانى قارجىلاندىرۋ 7,8 ملرد تەڭگە مولشەرىندە «سامۇرىق-قازىنا ينۆەست» جشس جەكە قاراجاتتارى ەسەبىنەن جانە بريتاندىق UGEnergyLimited سەرىكتەستىگى ەسەبىنەن جۇزەگە اسىرىلادى.
