كورمەنىڭ سالتاناتتى اشىلۋ راسىمىنە دەيىن پرەزيدەنت نۇرسۇلتان نازارباەۆتىڭ شەت مەملەكەتتەردىڭ باسشىلارىن ءدال سول جەردە تۇرىپ قارسى الدى. سەگىز قاباتتى عيماراتتىڭ ءىشى دە, سىرتى دا كوز تارتادى. ال ەكسپوزيتسيالارى كىرگەن ادامدى بىردەن بولاشاققا جەتەلەيدى. فۋتۋريستىك ليفتىلەر, شىنىدان جاسالعان كونسترۋكتسيالار, لازەرلىك شوۋلار مەن پروەكتسيالىق كورىنىستەر - ءبارى-ءبارى ادامزاتتىڭ بالامالى ەنەرگيا كوزدەرىن ىزدەپ, تابيعات بايلىقتارىن بارىنشا ساقتاۋعا دەگەن قۇلشىنىسىن, ەرەن ەڭبەگىن كوز الدىنا كەلتىرەدى.
ەكپوزيتسيانىڭ نەگىزگى ماقساتى - سامۇرىق قۇس تۋرالى شەجىرەنى كورسەتۋ. مۇندا جەر مەن كوكتى بايلانىستىراتىن بايتەرەك پەن سامۇرىق قۇستىڭ التىن جۇمىرتقاسىنىڭ دەكوراتسياسى ورناتىلعان. سونداي-اق, ەسىك قورعانىندا تابىلعان التىن ادامنىڭ كوشىرمەسى تۇر. ال ەكىنشى شاتىردا فۋتۋريستىك استاناعا ساپار جاسالادى.
پاۆيلوندا قازاقستاندىق ونەرتاپقىشتار مەن ولاردىڭ ويلاپ تاپقان جاڭالىقتارى xالىقتىڭ نازارىنا شىعارىلىپ وتىر. مۇندا ديىرمەننەن باستاپ قازىرگى وزىق تەxنولوگيالارعا دەيىنگى ونەرتابىستار قويىلعان. سونىمەن قاتار, قوزعالىستىڭ ارقاسىندا قۋات كوزدەرىنىڭ قالاي وندىرىلەتىنىن كورۋگە بولادى.
