"جاس قوناقتار ءۇشىن ەكى كۇندىك ارنايى باعدارلاما قاراستىرىلعان: ءبىرىنشى كۇنى – ەكسپو-2017 كورمەسىن ارالاۋ, كەلەسى كۇنى – ەلوردانىڭ اسەم جەرلەرىنە ساياحات. جالپى, 1600 ادام بويىنشا 25 جول قاتىناسى جوسپارلانىپ وتىر – ءبىر جولعى قاتىناستا 40 بالادان 40 توپ", دەيدى ۇيىمداستىرۋشىلار.
ءار ءوڭىردىڭ دەلەگاتسياسىنا استانانىڭ ءبىلىم بەرۋ باسقارماسى مەن وقۋ ورىندارىنىڭ ديرەكتورلارىنان قۇرىلعان جاۋاپتى تۇلعالار بەلگىلەندى. ءار ايماق تاراپىنان بالالارعا جاۋاپتى مۇعالىمدەر مەن مەديتسينالىق كىزمەتكەرلەرi كاراستىرىلعان. بالالاردىڭ كەلۋىنەن باستاپ, ولاردى ورنالاستىرىلۋ, كورمەگە اپارۋ, قالانىڭ ىشىندەگى ساياحات جانە شىعارىپ سالۋ قاتىناسىنىڭ باعىتى ءتۇزىلدى.
وقۋشىلاردى «Astana LRT» جشس ۇسىنعان قولايلى جاڭا اۆتوبۋستارمەن تاسىمالداۋ جوسپارلانۋدا. وقۋشىلاردىڭ بارلىعى قالاداعى ءبىلىم بەرۋ ۇيىمدارىنىڭ جاتاقحانالارىنا ورنالاستىرىلادى.
ولاردىڭ بارلىعى توتەنشە جاعدايلار دەپارتامەنتى, تۇتىنۋشىلاردى قورعاۋ دەپارتامەنتى جانە يۋۆەنال پوليتسياسىنىڭ جپق بولىمىمەن ارنايى تەكسەرۋ ماقساتىندا اينالىپ ءوتىلدى.
"بالالاردىڭ قاۋىپسىزدىگى ءۇشىن ەلوردادا تاۋلىك بويى جۇمىس جاسايتىن احۋال ورتالىعى ىسكە قوسىلدى (109 ءنومىرى بويىنشا). جانە بارلىق ورىنداردى ءىىد جپق قىزمەتكەرلەرى تاۋلىك بويى كۇزەتەدى" - دەيدى ماماندار.
10 ماۋسىم كۇنى ساعات 14.40-تا العاش بولىپ ەلوردامىزعا اقتوبە وبلىسىنىڭ 162 بالاسى كەلەدى. ولار قالالىق مەديتسينالىق كوللەدجىندە ورنالاسادى.
