«بۇگىنگى كۇنى استانادا التى ءمودۋلدى دارەتحانا ورناتىلدى: «اراي», «عاشىقتار» ساياباقتارى, تەننيس الاڭىنىڭ اۋماعى, ورتالىق ساياباق, «كورمە» ورتالىعى مەن "ەكسپو-2017" كورمەسىنىڭ اۋماعىنا جاقىن ۇلى دالا داڭعىلى», دەدى حابارلادى "CLC Company" جشس مەردىگەر مەكەمەنىڭ ديرەكتورى ەۆگەني چيرەۆ.
جاڭا قوعامدىق دارەتحانالار شاعىن ءارى زاماناۋي كەلبەتتە, ال ەڭ باستىسى - ەكولوگيالىق ستاندارتتارعا ساي. قوندىرعى ەكى شاعىن كابينادان تۇرادى. مۇمكىندىگى شەكتەۋلى جاندارعا ارنالعان ارنايى پاندۋستار ورناتىلعان, سۇيىق سابىن مەن قاعاز ورامالدارعا ارنالعان ديسپەنسەرلەر دە بار.
قوعامدىق دارەتحانالار كەلۋشىلەر ءۇشى تەگىن, دەپ سەندىردى ەلوردا اكىمدىگى.
ء«وندىرۋشى ەل – رەسەي. مۇنداي ۇلگىدەگى قوندىرعىلار ماسكەۋ, سانكت-پەتەربۋرگ سىندى رەسەيدىڭ بىرنەشە قالالارىندا بۇرىننان قولدانىلادى. سىرتقى كەلبەتى مەن قۇرىلعىسى قاراپايىم بولعانىمەن قولايلى ءارى بەرىك», دەدى مەردىگەر مەكەمەنىڭ وكىلى.
اتالعان ۇلگىدەگى قوندىرعىلاردىڭ ەرەكشەلىگى - ولاردى جىل بويى قولدانۋعا بەرۋگە بولادى ءارى استانا قالاسىنىڭ كليماتتىق جاعدايىنا بەيىمدەلگەن. دارەتحانا كابينالارى ساعات سايىن تازارتىلادى.
